မုဒုံမြိုနယ် ဘောလုံးကွင်းထောင့်အနီးတွင် အမျိုးသား ၂ ဦး သတ်ဖြတ်ခံရ
******************
(မှုခင်း) မတ်လ ၁၀
မွန်ပြည်နယ်၊ မုဒုံမြို့နယ်၊ ကလော့သော့ကျေးရွာ၊ ရပ်ကွက်(၄)ရှိ ဘောလုံးကွင်းထောင့်အနီးတွင် ယနေ့နံနက် ၆ နာရီ ၁၅ မိနစ်အချိန်ခန့်က အမျိုးသား ၂ ဦးသေနတ်ဒါဏ်ယာများဖြင့် သေဆုံးနေကြောင်းဒေသခံများထံမှ သိရသည်။အခင်းဖြစ်နေရာသို့ လုံခြုံရေးပူးပေါင်းအဖွဲ့မှ သွားရောက်စစ်ဆေးရာ မွန်ထိုင်း ၂၅ နှစ်၊ (ဘ)ဦးစိုးကြည်၊ ကလော့သော့ကျေးရွာ၊ ရပ်ကွက်(၁)တောင်ပိုင်းနေထိုင်သူနှင့် မောင်ကလန် ၂၅ နှစ်၊ (ဘ)ဦးစစ်၊ ကော့ပီထော်ကျေးရွာ၊ ရပ်ကွက်(၁)နေသူတို့ ၂ ဦးတို့အား သေနတ်ဒဏ်ရာ ၆ ချက်ခန့်ဖြင့် သေဆုံးနေသည်ကိုတွေ့ရှိရကြောင်း သိရသည်။
၎င်းတို့ ၂ ဦးစီးနင်းလာသော Wave 125(နီ/မဲရောင်)ဆိုင်ကယ်ဘေးတွင် သေနတ်ဒဏ်ရာများဖြင့် သေဆုံးနေကြောင်း စစ်ဆေးတွေ့ရှိရပြီး အနီးတွင် အေကေ-၄၇ ကျည်ခွံ ၆ ခုတွေ့ရှိရကြောင်း သိရသည်။
အဆိုပါအကြောင်းအရာနှင့် ပတ်သက်၍ လုံခြုံရေးတပ်ဖွဲ့ဝင်များမှ တရားခံများဖမ်းဆီးရမိရေ ဆက်လက်ဆောင်ရွက်လျှက်ရှိကြောင်း ဒေသခံများထံမှ သိရသည်။
