အနားယူခြင်း (၇) မျိုး
အနားယူခြင်း (၇) မျိုး ဆိုတာ

၁ ။ ရုပ်ပိုင်းဆိုင်ရာ အနားယူခြင်း (Physical rest) ။ နေ့စဉ်သွားလာလှုပ်ရှားနေရတာတွေက ခန္ဓာကိုယ်ကို ရုပ်ပိုင်းဆိုင်ရာအရ ပင်ပန်းစေပါတယ်။ ကြွက်သားတွေနာတာ၊ ခေါင်းကိုက်တာ၊ ဇက်ကြောတက်တာတွေက ရုပ်ပိုင်းဆိုင်ရာ ပင်ပန်းနေတဲ့ အဓိပ္ပာယ်ပါ။ ဒါကို ပြေပျောက်အောင် အနားယူတဲ့နေရာမှာ ၂နည်း ရှိပါတယ်။ ပထမတစ်ခုက Passive rest ဘာမှမလုပ်ဘဲ နားလိုက်တာပါ။ အမြင်သာဆုံးပြောရရင် အိပ်လိုက်တာ၊ တစ်ရေးလောက် မှေးလိုက်တာမျိုးပေါ့။ Active restကကျတော့ ပေါ့ပေါ့ပါးပါး အကြောလျှော့တာ၊ ယောဂကျင့်တာ၊ လမ်းထွက်လျှောက်တာ၊ အနှိပ်ခံလိုက်တာမျိုးတွေ ပါဝင်ပါတယ်။

၂ ။ စိတ်ပိုင်းဆိုင်ရာ အနားယူခြင်း (Mental rest) ။ ခုလိုခေတ်ကာလဆိုရင်တော့ စိတ်ပင်ပန်းစရာတွေက အများသားမလား။ လူက အနားယူလိုက်ပေမယ့် စိတ်က ဟိုတွေး ဒီတွေး တွေးနေမယ်ဆိုရင် စိတ်အနားရမှာ မဟုတ်ပါဘူး။ စိတ်ဆိုတာ အမြဲတမ်းတွေးနေတော့ သူ့ကို အနားပေးဖို့ လိုပါတယ်။ အရိုးရှင်းဆုံးနည်းလမ်းတွေကတော့ ဖုန်းခဏပိတ်လိုက်တာ၊ ဆိုရှယ်မီဒီယာသုံးတာ ခဏနားလိုက်တာ၊ တရားမှတ်တာ၊ အသက်ရှူလေ့ကျင့်ခန်း လုပ်တာတွေ လုပ်လို့ရပါတယ်။ စိတ်က အာရုံမလွင့်ဘဲ တစ်နေရာထဲမှာ စုစည်းနေတဲ့အခါ ဦးနှောက်က အနားရပြီး အတွေးတွေကို ပြန်လည်စီစဉ်ပေးနိုင်ပါတယ်။

၃ ။ စိတ်ခံစားချက်ဆိုင်ရာ အနားယူခြင်း (Emotional rest) ။ နေ့စဉ်နေ့တိုင်းမှာ စိတ်အတက် အကျတွေက ရှိနေတာပါပဲ။ နေကောင်းလားမေးလိုက်ရင် ကောင်းပါတယ်လို ပြောပေမယ့် စိတ်ထဲမှာတော့ ဝမ်းနည်းရတဲ့အခါရှိသလို အားမလိုအားမရဖြစ်တာတွေ၊ အပြစ်တင်စိတ် ဖြစ်တာတွေ ရှိတတ်ပါတယ်။ ဒီလို မကောင်းတဲ့ စိတ်ခံစားချက်တွေကလည်း လူကို ပင်ပန်းစေတဲ့ထဲမှာ ပါပါတယ်။

စိတ်ခံစားချက်တွေကနေ အနားယူဖို့ဆို တစ် ယောက်တည်း နေကြည့်ပါ။ စိတ်ရှုပ်စရာတွေကို တတ်နိုင်သမျှ ဝင်မပါပါနဲ့။ ခံစားချက်တွေ ဖွင့်ချရေးတဲ့ journaling လုပ်ကြည့်ပါ။ သဘာဝနဲ့ ထိတွေ့ပါ။ ဥပမာ အပင်လေးတွေ၊ ရေတွေနဲ့ ထိတွေ့တာမျိုးပေါ့။ ဘာကို ခံစားလို့ ခံစားရမှန်းမသိ၊ စိတ်ထဲမှာ လမ်းပျောက်သလို လေးလေးကြီး ဖြစ်နေတယ်ဆိုရင် ဒီနည်းတွေက အသင့်တော်ဆုံးပါပဲ။ ကိုယ့်စိတ်ထဲမှာ ဖြစ်နေတာကို ပြန်ရှာတွေ့စေပြီး စိတ်ခံစားချက်တွေကို ကောင်းမွန်စေပါတယ်။

၄ ။ လှုံ့ဆော်မှုများမှ အနားယူခြင်း (Sensory rest) ။ နေ့စဉ်ဟိုဟိုဒီဒီကနေ လှုံ့ဆော်မှုတွေက ကိုယ့်ရဲ့ ကိုယ်ထဲကို တရစပ်ဝင်နေတာကို သတိ ထားမိကြမှာ မဟုတ်ပါဘူး။ ဆူညံသံတွေ၊ အလင်းတွေ၊ အပူအအေးတွေ၊ အနံ့တွေ စသဖြင့် ကောင်းတာတွေရော မကောင်းတာတွေရော အများကြီးပါပဲ။ ဒီလို လှုံ့ဆော်မှုတွေကို ခန္ဓာကိုယ်က တုံ့ပြန်တဲ့အခါ ကိုယ်တိုင်တောင် မသိလိုက်ဘဲ ပင်ပန်းနေတာမျိုးတွေ ရှိတတ်ပါတယ်။

အာရုံတွေကနေ ဝေးဝေးနေပြီး အနားယူဖို့ဆိုရင် –
• TVတွေ၊ ဖုန်းတွေကို ခဏပိတ်ထားပါ။
• မျက်လုံးလေး မှိတ်ထားပါ။
• တိတ်ဆိတ်တဲ့အခန်းထဲမှာ အနားယူပါ။
• ရေချိုးပါ။
• ပျော့ပျောင်းငြင်သာတဲ့ တီးလုံးလေးတွေ ဖွင့်ထားပါ။
• အသက်ကို ခပ်ပြင်းပြင်း ရှူသွင်းရှူထုတ်လုပ်ပါ။

အာရုံဝင်လာနိုင်တာတွေကနေ အနားယူလိုက်တဲ့အခါ ခန္ဓာကိုယ်က ဆက်တိုက်လှုံ့ဆော်ခံနေရာကနေ လွတ်မြောက်ပြီး အနားရသွားပါတယ်။

၅ ။ ဖန်တီးမှုတွေကနေ အနားယူခြင်း (Creative rest) ။ ဟုတ်ပါတယ်။ အနုပညာရှင်တွေ၊ ဒီဘက်ကခေတ်မှာဆိုရင် Content creator တွေ၊ Designer တွေက နေ့စဉ်နဲ့အမျှ တီထွင်ဖန်တီးမှုတွေ ပြုလုပ်နေရသူတွေပါ။ ဆက် တိုက် အသစ်အသစ်တွေကို ဖန်တီးနေရတဲ့အခါ ဦးနှောက်က ညောင်းပြီး ပင်ပန်းလာပါတယ်။ ဒီလိုဖြစ်နေတာကနေ အနားယူဖို့ဆိုရင် –
• အလုပ်ကနေ ခဏလောက် အနားယူလိုက်ပါ။
• အလုပ်နဲ့ မဆိုင်ဘဲ ကိုယ်ဝါသနာပါတာ၊ ပျော်တာကို လုပ်ကြည့်ပါ။
• တစ်ခါမှ မလုပ်ဖူးတဲ့ ဖန်တီးမှုတွေ လုပ်ကြည့်ပါ။ (ဥပမာ ဟင်းချက်တာ၊ ပုံဆွဲတာ၊ ပန်းထိုးတာ စသဖြင့်)

ဒီလိုအနားပေးလိုက်မှ ဦးနှောက်လည်း အနား ရပြီး ပိုကောင်းတဲ့ အိုင်ဒီယာတွေ ထုတ်ပေးနိုင်မှာ ဖြစ်ပါတယ်။

၆ ။ လူမှုအသိုင်းအဝိုင်းမှ အနားယူခြင်း (Social rest) ။ နေ့စဉ် လူပေါင်းများစွာနဲ့ ပြော ဆိုဆက်ဆံနေရတဲ့အခါ ကြာလာရင် စိတ်မောလူမော ဖြစ်လာမှာပါ။ ဒါက introvertဖြစ်ခြင်း၊ extrovertဖြစ်ခြင်းနဲ့ မဆိုင်ပါဘူး။ လူမျိုးစုံ စရိုက်မျိုးစုံနဲ့ တွေ့ရတဲ့အခါ ကြာလာရင် ပင်ပန်းလာတာ သဘာဝပါပဲ။ ဒီကနေ အနားယူဖို့ဆိုရင်
• တစ်ယောက်တည်း အချိန်ဖြုန်းကြည့်ပါ။
• လူများတဲ့ ပွဲလမ်းသဘင်တွေကို ခဏရှောင်ပါ။
• တကယ်ချစ်ခင်ရင်းနှီးရတဲ့ သူငယ်ချင်းတွေ၊ မိသားစုတွေနဲ့ အချိန်ဖြုန်းပါ။
• တစ်ယောက်တည်း အပြင်သွားကြည့်ပါ။
• ကိုယ့်ကိုယ်ကို ဂရုစိုက်ပါ။

တစ်ယောက်တည်း အနားယူကြည့်တဲ့အခါ စိတ်ကလေး အနားရပြီး အာရုံနောက်စရာတွေလည်း မရှိတာကြောင့် နေလို့ပိုကောင်းလာပါလိမ့်မယ်။

၇ ။ စိတ်ဝိဉာဉ်ဆိုင်ရာ အနားယူခြင်း (Spiritual rest) ။ စိတ်ဝိဉာဉ်ဆိုင်ရာ အနားယူခြင်းကတော့ inner peaceကို ရှာဖွေခြင်းတစ်ခုပါပဲ။ ယုံကြည်ရာဘာသာအလိုက် –
• ဆုတောင်းမယ်
• ရွတ်ဖတ်မယ်
• တရားထိုင်မယ်
• ယောဂကျင့်မယ်
• သဘာဝနဲ့ ထိတွေ့မယ်
• အကောင်းမြင်စိတ်နဲ့ စိတ်ထားတတ်အောင်နေမယ်
• သူများကို ကူညီမယ်၊ လှူဒါန်းပေးကမ်းမယ် စတာတွေက စိတ်အေးချမ်းစေပြီး ကိုယ့်ကိုယ်ကို ယုံကြည်မှုတိုးစေမယ့် အကျင့်တွေပဲ ဖြစ်ပါတယ်။

အနားယူတာက နေ့စဉ်လှုပ်ရှားသွားလာနေရတဲ့ လူသားတွေအတွက် မရှိမဖြစ်လိုအပ်ပါတယ်။ ဒီအနား ယူခြင်း (၇)မျိုး ကို ကိုယ့်ရဲ့ နေ့စဉ်ဘဝမှာ ထည့်သွင်းပြီး အနားယူမယ်ဆိုရင် ပိုအဆင် ပြေပြီး နေပျော်တဲ့ ဘဝကို ရမှာပါ။

#pose

တစ်ချို့အရာတွေ အပေါ်မှာ
အရမ်းကြီး ခံစားပြီး
ပျော်ရွှင်မှုတွေ ပျောက်မသွားစေနဲ့ဦး။
မင်းကို ဆုံးရှုံးရလို့
ဘယ်သူကများ
တကူးတက
ဝမ်းနည်းကြဖူးလို့လဲ။
- လူခေး -

စားအုန်းဆီ အခြေခံလက်ကားရည်ညွှန်းဈေးနှုန်း တစ်ပိဿာ ငွေကျပ် ၆၈၉၀ ဖြစ်ကြောင်း ထုတ်ပြန်ကြေညာ
*******************
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပိုသည့် မလေးရှားနိုင်ငံတွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်း တွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိကြောင်း သိရသည်။

ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ မတ် ၁၀ ရက်မှ ၁၆ ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၆၈၉၀ ဖြစ်ကြောင်း ထုတ်ပြန်ကြေညာထားသည်။

ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားသည်။

အခြေခံလက်ကားရည်ညွှန်းဈေးနှုန်းများကို စားသုံးသူရေးရာ ဦးစီးဌာန၏ Website: www.doca.gov.mm၊ Facebook Page နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

တစ်ခါခါ ဇာတိမြေက အိမ်ကလေးကိုပြန်ရတာလည်း
ဝမ်းနည်းစရာပါပဲ။
ဘယ်နားထားနေကျမှန်းမသိတော့တဲ့ ပစ္စည်းအချို့ရယ်။
အလည်လာတာလား ဘယ်နေ့ပြန်မလဲ မေးတဲ့လူတွေရယ်။
ဝမ်းနည်းစရာ။

X ပလက်ဖောင်း ဆိုက်ဘာတိုက်ခိုက်ခံရပြီး ပြတ်တောက်မှု ဖြစ်ပွား
မနေ့က အီလွန်မတ်စ်ပိုင် X လူမှုကွန်ရက် ဆိုက်ဘာတိုက်ခိုက်ခံလိုက်ရပြီး တစ်ရက်တည်း ၃ ကြိမ် ပြတ်တောက်ခဲ့ပါတယ်။
DownDetector မှာတော့ X ဟာ အရှေ့တိုင်းစံတော်ချိန် မနက် ၆ နာရီ ၊ မနက် ၁၀ နာရီနဲ့ ညနေ ၂ နာရီတွေမှာ လိုင်းတွေ ကျသွားခဲ့တယ်လို့ ဆိုပါတယ်။ X လိုင်းကျသွားတာဟာ DDoS လို့ ခေါ်တဲ့ server ကျပြီး ဝင်မရအောင် လုပ်တဲ့ ဆိုက်ဘာတိုက်ခိုက်မှုကြောင့်လို့ အီလွန်မတ်စ်က ပြောပါတယ်။ ဝက်ဘ်ဆိုက်ရော app ပါ သုံးမရ ဖြစ်သွားခဲ့တာပါ။
အီလွန်မတ်စ်ကတော့ သူ့ X ပို့စ်မှာ အခုလို အကြီးအကျယ် hack တဲ့ ကိစ္စနောက်ကွယ်မှာ အဖွဲ့အစည်းကြီးကြီးတစ်ခုနဲ့အတူ နိုင်ငံတစ်နိုင်ငံလည်း ပါမယ်လို့ ပြောထားပါတယ်။
"ကျွန်တော်တို့ နေ့တိုင်း တိုက်ခိုက်ခံနေရတာပါ။ ဒါပေမယ့် ဒါကတော့ အရင်းအမြစ်အများကြီးနဲ့ လုပ်သွားတာပါ။" လို့ မတ်စ်က ဆိုပါတယ်။
X ကို လိုင်းကျအောင် DDoS Attack ဝင်ခဲ့တာ Dark Storm Team ဆိုတဲ့ ပါလက်စတိုင်းတက်ကြွ ဟက်ကာအဖွဲ့လို့ ဆိုပါတယ်။ ဒီအဖွဲ့က ဂါဇာကို အစ္စရေးတိုက်ခိုက်မှုအပေါ် ထောက်ခံအားပေးတဲ့ နိုင်ငံနဲ့ လူပုဂ္ဂိုလ်တွေကို အဓိကပစ်မှတ်ထားတဲ့ ဟက်ကာအဖွဲ့လို့ ပြောပါတယ်။
အီလွန်မတ်စ်ပြောပုံအရတော့ ဟက်ကာတွေဟာ ယူကရိန်းဧရိယာက လာတဲ့ IP address တွေ ရှိတယ်လို့ Fox News နဲ့ အင်တာဗျူးမှာ ပြောထားပါတယ်။ Twitter ကို အီလွန်မတ်စ် ဝယ်ပြီးနောက်ပိုင်း ဝန်ထမ်းအများအပြား အလုပ်ဖြုတ်ခဲ့သလို ပလက်ဖောင်းလိုင်းကျတဲ့ကိစ္စက မကြာခဏ ဖြစ်ပွားခဲ့ပါတယ်။

ပုံမှန်စိတ်လေး💚
''''''''''''''""""""""""""""""""""""""
ကိုယ့်အပေါ်မုန်းနေသူ
ဘယ်သူဘဲ ဖြစ်နေပါစေ မတုံပြန်ဘဲ
ပုံမှန်စိတ်လေးထားပြီး ဆက်ဆံလိုက်ပါ
တစ်နေ့ သူ့လမ်းသူသွားပါလိမ့်မယ်။
ကိုယ့်ရဲ့အတင်းအဖျင်းပြောနေသူ
ဘယ်သူဘဲ ဖြစ်နေပါစေ
လိုက်ဖြေရှင်းမနေဘဲ
ပုံမှန်စိတ်လေး ထားပြီးနေထိုင်လိုက်ပါ
တစ်နေ့ သူ့ဗီဇ အမှန် ပေါ်လာပါလိမ့်မယ်။
ကိုယ့်ရဲ့သိက္ခာကိုထိပါးအောင်လုပ်နေသူ
ဘယ်သူဘဲ ဖြစ်နေပါစေ
ပြန်ပြီးမတိုက်ခိုက်ဘဲ
ပုံမှန်စိတ်လေးထားပြီးရပ်တည်လိုက်ပါ
တစ်နေ့ အဖြေမှန် ပေါ်လာပါလိမ့်မယ်။
ကိုယ့်ကိုယ် တုပ
ပြိုင်ဆိုင်ပြီး ကျရှုံးအောင်
လုပ်နေသူ ဘယ်သူဘဲ ဖြစ်နေပါစေ
ပြန်လည် မပြိုင်ဆိုင်ဘဲ
ပုံမှန်စိတ်လေး ထားပြီးကြိုးစားလုပ်ကိုင်ပါ
တစ်နေ့ ကိုယ့်စေတနာ ကိုယ့်အကျိုးပေးပါလိမ့်မယ်
ကိုယ့်ကို ထိကပါး ရိကပါး
စောင်းမြောင်း စော်ကားနေသူ
ဘယ်သူဘဲ ဖြစ်နေပါစေ မတုံပြန်ဘဲ
ပုံမှန်စိတ်လေး ထားပြီးဥပေက္ခာပြုလိုက်ပါ
တစ်နေ့ သူ့အတ္တက သူ့ကို ဒဏ်ခတ်ပါလိမ့်မယ်
ဘယ်သူတွေ
ဘာတွေပြောပြော ဘာတွေလုပ်လုပ်
ကိုယ်အတွက် ဘာမှဆုတ်ယုတ်မသွားပါဘူး
မနာလိုစိတ် ( မစ္စရိယ )
များနေတဲ့ လူတွေကိုသာ
ပတ်ဝန်းကျင်ကစက်ဆုပ်ရွံရှာကြတာ
သဘာဝပါဘဲ
ဒါ့ကြောင့်
အရေးမပါတဲ့ အကြောင်းအရာတွေအတွက်
လိုက်ဖြေရှင်းရင်းအချိန်ကုန်မခံပါနဲ့
တစ်နေ့
ဘယ်သူဘာလဲ ဆိုတာ
အချိန်က အဆုံးအဖြတ် ပေးပါလိမ့်မယ်
အဓိကကိုယ့်ဘက်က
ပုံမှန်စိတ်လေး ထားတတ်ဖို့ပါဘဲ။
#crd

#ယနေ့ထုတ်သတင်းစာ_နိုင်ငံတကာသတင်း
◼ ဘလစ်စတစ်ဒုံးကျည်များ မြောက်ကိုရီးယားနိုင်ငံ စမ်းသပ်ပစ်လွှတ်
မြောက်ကိုရီးယားနိုင်ငံသည် အမေရိကန်ပြည်ထောင်စုနှင့် တောင် ကိုရီးယားတို့၏ ပူးတွဲစစ်ရေးလေ့ကျင့်မှုများကို မတ် ၁ဝ ရက်တွင်ဝေဖန်ခဲ့ပြီးနောက် ဘလစ်စတစ်ဒုံးကျည်များစမ်းသပ်ပစ်လွှတ်ခဲ့ကြောင်း သိရသည်။
အမေရိကန်ပြည်ထောင်စုနှင့် တောင်ကိုရီးယားတို့၏ ဖရီးဒမ်းရှီး အမည်ရှိ ပူးတွဲစစ်ရေးလေ့ကျင့်မှုကို အန္တရာယ်များသော ရန်လိုရန်စလုပ်ရပ်ဟု ဝေဖန်ခဲ့ပြီး နာရီပိုင်းအကြာမှာပင် မြောက်ကိုရီးယားနိုင်ငံက နိုင်ငံအနောက်ပိုင်းမှတစ်ဆင့် ပင်လယ်ဝါရေပြင်အတွင်းသို့ ဘလစ်စတစ်ဒုံးကျည်များ ပစ်လွှတ်ခဲ့ခြင်းဖြစ်သည်။
မတ် ၁ဝ ရက် ဒုံးကျည်စမ်းသပ်ပစ်လွှတ်မှုများသည် အမေရိကန် သမ္မတရာထူးကို ဒေါ်နယ်ထရန့် ရယူခဲ့ပြီးနောက်ပိုင်း မြောက်ကိုရီးယားနိုင်ငံက ပထမဆုံးပြုလုပ်ခဲ့သော ဘလစ်စတစ်ဒုံးကျည်စမ်းသပ်မှုဖြစ်သည်။
မြောက်ကိုရီးယားနိုင်ငံသည် အမေရိကန်ပြည်ထောင်စုနှင့်တောင် ကိုရီးယားနိုင်ငံတို့၏ ပူးတွဲစစ်ရေးလေ့ကျင့်မှုများကို ကျူးကျော်စစ်ပွဲအတွက် ဇာတ်တိုက်လေ့ကျင့်မှုအဖြစ် မှတ် ယူထားပြီး ဒုံးကျည်စမ်းသပ်ပစ်လွှတ်မှုများဖြင့် တုံ့ပြန်လေ့ရှိသည်။
အမေရိကန်နှင့် တောင်ကိုရီးယားတို့၏ ဖရီးဒမ်းရှီးပူးတွဲစစ်ရေး လေ့ကျင့်မှုသည် မတ် ၁ဝ ရက်တွင် စတင်ပြီး မတ် ၂ဝ တွင် ပြီးဆုံးမည်ဖြစ်သည်။
ရိုက်တာ

ဗော်လ်ဂါချိုင့်ဝှမ်းနှင့် ဒွန်မြစ်ဝှမ်းတလျှောက်ရှိ ကော့ဆက်လူမျိုးများ၏ လှုပ်ရှားမှုများဖြင့် ထုဆစ်ထားသော ၀တ္ထုကြီး ဖြစ်ပါတယ်။ ပထမကမ္ဘာစစ်အတွင်း ရုရှားတို့၏ ပြည်တွင်းစစ်နဲ့ တော်လှန်ရေးကာလများကို နောက်ခံထားကာ ဇာတ်ကောင် (၆၀)တို့ဖြင့် အံ့ဖွယ်လှုပ်ရှားမှုများကိုလည်း တွေ့မြင်ရမှာပါ ။

၂၀ ရာစုတွင် ကျော်ကြားထင်ရှားသော ၀တ္ထုကြီးကို မူရင်းစာရေးဆရာကြီး မစ်ခေးရှိုလိုခေါ့ဗ်က ရေးသားခဲ့ပြီး (၁၉၂၅)မှ (၁၉၃၂)အတွင်း Oktyabr မဂ္ဂဇင်းမှာ ဖော်ပြခဲ့ပါတယ်။ ရုရှားနိုင်ငံတွင် လူမျိုးပေါင်း ၇၃ စု၏ဘာသာဖြင့် ၆၇၈ ကြိမ်ပုံနှိပ်ကာ စောင်ရေ ၄၂ သန်း ထုတ်ဝေခဲ့တဲ့ ၀တ္ထုကြီးပါ။ နိုင်ငံတကာကလည်း ဘာသာပေါင်း ၄၀ ဖြင့် ၄၅၉ ကြိမ်အထိ ဘာသာပြန်ဆို ထုတ်ဝေခဲ့ကြပါသေးတယ်။ ဆိုဗီယက်ပြည်ထောင်စုရဲ့ အမြင့်မားဆုံးစာပေဆုဖြစ်တဲ့ လီနင်စာပေဆုရ ၀တ္ထုကြီးပါ။ ၁၉၆၅ မှာ ကမ္ဘာ့အကြီးဆုံးဆုဖြစ်တဲ့ နိုဗယ်ဆုကိုပါ ရရှိခဲ့တာ ဖြစ်ပါတယ်။

#တသိမ့်သိမ့်ဒွန်
#တက္ကသိုလ်နန္ဒမိတ်
#မြတ်ငြိမ်း
#တင်မောင်မြင့်

Former Philippine President Rodrigo Duterte arrested on an ICC warrant over drug killings, Philippine government says.

https://abcnews.go.com/Interna....tional/wireStory/for