😁

🌻

Morning 💚

Morning

မင်္ဂလာပါ

Dragon’s Dogma II trailer

Android 15 မှာ ဂြိုလ်တု ဆက်သွယ်ရေး ပါလာမည်
==============================

အခုဆိုရင် ဂြိုလ်တု ဆက်သွယ်ရေး ပါတဲ့ စမတ်ဖုန်းတွေ ထွက်ပေါ်လာပြီ ဖြစ်ပေမယ့် Operating System Level အထိ ထောက်ပံ့ထားတာ မဟုတ်ပါဘူး။

အခုတော့ Android 15 မှာ ဂြိုလ်တု ဆက်သွယ်ရေးကို Operating System Level အထိ ထောက်ပံ့လာတော့မှာ ဖြစ်ပါတယ်။ Google က ပြီးခဲ့တဲ့လမှာ ပထမဆုံး Android 15 Developer Preview ကို ဖြန့်ချိခဲ့ပြီး အခုတော့ ဒုတိယ ဗားရှင်းကို ထုတ်ပေးလိုက်ပါတယ်။ ဒုတိယ ဗားရှင်းမှာ ဂြိုလ်တု ဆက်သွယ်ရေးကို ထောက်ပံ့လာပါတယ်။ Google က ဂြိုလ်တု ဆက်သွယ်ရေးအတွက် UI Element တချို့ကို ထည့်သွင်းပေးထားတယ်လို့ ပြောပါတယ်။

အဲဒီ ဗားရှင်းမှာ တခြား တိုးတက်မှုတွေ ပါလာပါတယ်။ Do Not Disturb Mode မှာ Customize ပိုမို လုပ်လာနိုင်ပြီ ဖြစ်ပြီး Display ကို Black and White ပြောင်းတာ၊ Night Mode ဖွင့်တာတို့ကို ပြုလုပ်လာနိုင်ပါတယ်။ Developer တွေဟာ သူတို့ရဲ့ App တွေမှာ Password နဲ့ ကာကွယ်ထားတဲ့ PDF တွေကို ထောက်ပံ့လာနိုင်သလို PDF မှာ Search , Edit လုပ်နိုင်လာပါတယ်။ PDF တွေကို ကြည့်ရင် စွမ်းအင် စားသုံးမှု ပိုနည်းလာသလို ပိုမြန်လာပါတယ်။

ငွေပေးချေဖို့အတွက် NFC စွမ်းရည်က ပိုကောင်းလာပြီး Audio Recognition အတွက် အလိုအလျှောက် ဘာသာစကား ပြောင်းပေးမှု ပိုကောင်းလာပါတယ်။ App တွေကို Flip-style Foldable ရဲ့ အရွယ်သေး ကာဗာ Screen မှာ ပေါ်အောင် ပြုလုပ်နိုင်ပါတယ်။

Ref : gsmarena

သောမတ်စ်တူဟယ်လ် ထွက်ခွာချိန်အထိမစောင့်ဘဲ နည်းပြအပြောင်းအလဲအား ယခုပင် ပြုလုပ်သင့်သည်ဟု ဘိုင်ယန်မြူးနစ်အသင်းကို ကစားသမားဟောင်း ဟာမန်း အကြံပြု

ဘိုင်ယန်မြူးနစ်အသင်း၏ ကစားသမားဟောင်း ဒီယက်တာဟာမန်းက လက်ရှိနည်းပြ သောမတ်စ်တူဟယ်လ် ထွက်ခွာချိန်အထိမစောင့်ဘဲ နည်းပြအပြောင်းအလဲကို ယခုပင် ပြုလုပ်သင့်သည်ဟု အကြံပြုပြောကြားခဲ့သည်။

ဘိုင်ယန်မြူးနစ်အသင်း၏ လက်ရှိနည်းပြ သောမတ်စ်တူဟယ်လ်သည် ယခုရာသီတွင် ပြည်တွင်းပြိုင်ပွဲများ၌ ရလဒ်မကောင်းသည့်အတွက် ရာသီကုန်ချိန်၌ အသင်းနှင့် လမ်းခွဲရန်စီစဉ်ထားသူဖြစ်သည်။ သို့သော် ဒေါ့မွန်အသင်းကို ရှုံးနိမ့်ခဲ့ပြီးနောက် ဟာမန်းက နည်းပြအပြောင်းအလဲ ချက်ချင်းပြုလုပ်သင့်ပြီဟု အကြံပြုခဲ့ခြင်းဖြစ်သည်။

"ဒါက သောမတ်စ်တူဟယ်လ်အကြောင်း မဟုတ်သလို အီဘာလ်(ဘိုင်ယန်မြူးနစ်အားကစားဒါရိုက်တာ)အကြောင်းလည်း မဟုတ်ပါဘူး။ ဟာရီကိန်းတို့၊ ကင်မစ်ချ်တို့အကြောင်းလည်း မဟုတ်ပါဘူး။ ဘိုင်ယန်မြူးနစ်အကြောင်းပါ။ လက်ရှိအသင်းက ဥရောပရဲ့ အကောင်းဆုံး(၈ )သင်းထဲမှာ ပါဝင်နေပြီး အာဆင်နယ်အသင်းနဲ့ ရင်ဆိုင်ကစားရမယ့် အခွင့်အရေးကောင်းရှိနေပါတယ်။ အာဆင်နယ်က အသင်းကောင်းတစ်သင်းဆိုပေမဲ့ ဒီအဆင့်မှာ အတွေ့အကြုံ အလွန်နည်းပါတယ်။ ကျွန်တော့်အမြင်ကတော့ အာဆင်နယ်နဲ့ရင်ဆိုင်ရချိန်မှာ အကောင်းဆုံးဖြစ်ဖို့ အသင်းတာဝန်ရှိသူတွေအနေနဲ့ ဆုံးဖြတ်ချက်ချသင့်တယ်လို့ ထင်ပါတယ်။ နောက်ဆုံးရက်သတ္တပတ်တွေအတွက် နည်းပြသစ်ခေါ်ယူဖို့ လေးလေးနက်နက်တွေးသင့်ပါတယ်။ စျေးကွက်ထဲမှာလည်း နည်းပြတွေအများကြီးရှိနေပါတယ်" ဟု ပြောကြားခဲ့သည်။

#credit ပေးပါသည်