မိုးအေးအေးလေးမှာ စိတ်ကို relax လုပ်နိုင်မယ့် Meditation App ၃ ခု
ဒီတစ်ပတ် App တွေ recommend ပေးဖို့ လိုက်လေ့လာကြည့်တဲ့အခါမှာ မိုးရာသီနဲ့ သင့်တော်တဲ့ App အချို့ကို တွေ့ရှိခဲ့လို့ ဖော်ပြပေးချင်ပါတယ်။
Meditation လို့ ခေါ်တဲ့ တရားထိုင်ခြင်းနဲ့ ပတ်သက်တဲ့ App လေးတွေပဲဖြစ်ပါတယ်။
ဒီနေရာမှာ တရားထိုင်တာနဲ့ပတ်သက်ပြီးတော့ များသောအားဖြင့် ဘာသာရေးနဲ့ ဆက်စပ်မယ်လို့ အရင်ဆုံးတွေးကြမယ်လို့တော့ ထင်ပါတယ်။ အနောက်နိုင်ငံတွေမှာဆိုရင်တော့ တရားထိုင်ခြင်းဟာ စိတ်ကျန်းမာရေးကို အများဆုံးအထောက်အကူပြုတာကြောင့် ကျန်းမာရေးလေ့ကျင့်ခန်းအနေနဲ့ လုပ်ဆောင်ကြပါတယ်။
ဒါကြောင့် မိုးအေးအေးလေးမှာ စိတ်ကို relax လုပ်လိုသူတွေအတွက် ရည်ရွယ်ပြီး ဒီ App လေး ၃ ခုအကြောင်းကို ဖော်ပြပေးလိုက်ပါတယ်။
1. Headspace
နိုင်ငံတကာမှ ကျွမ်းကျင်သူတွေရဲ့ တရားထိုင်ခြင်းနှင့်ပတ်သက်တဲ့ လေ့ကျင့်ခန်းများ၊ အသက်ရှုလေ့ကျင့်ခန်းများပါရှိပြီး အမျိုးအစားခွဲပေးထားတဲ့အတွက် မိမိလိုအပ်ရာကို ရွေးချယ်နိုင်ပါတယ်။ လေ့ကျင့်ခန်းများကိုလည်း ဗီဒီယိုများ၊ အသံဖိုင်များနှင့်တကွ တဆင့်ပြီးတဆင့် လွယ်ကူစွာ လိုက်လုပ်နိုင်ပါတယ်။
ဒီ App ထဲမှာပါဝင်တဲ့ One-session Meditations ကတော့ လူသုံးအတော်များပြီး အချိန်တိုအတွင်း စိတ်လှုပ်ရှားမှု သက်သာလိုတဲ့အခါ အသုံးပြုကြပါတယ်။ (ဥပမာ - အင်တာဗျုးဖြေခါနီး စိတ်လှုပ်ရှားမှုကို သက်သာစေရန်ဖြစ်ပါတယ်။ )
2. Calm
ကလေးများအတွက်ပါ လေ့ကျင့်ခန်းလေးတွေပါရှိတဲ့အတွက် ကလေးရှိတဲ့မိဘတွေပါ အသုံးပြုကြတဲ့ App တစ်ခုပါ။ Mood Tracking Feature တွေ ပါရှိတာကြောင့်လည်း စိတ်ခံစားချက်ကို မူတည်ပြီး လေ့ကျင့်ခန်းတွေကို ရွေးချယ်နိုင်တဲ့အပြင် စိတ်အတက်အကျကိုလည်း စနစ်တကျဖြစ်စေရန် လေ့ကျင့်နိုင်ပါသေးတယ်။ မိုးရာသီမှာ စိတ်အေးချမ်းဖို့အတွက် ပြုလုပ်နိုင်တဲ့ Guided Meditations တွေ၊ ဗီဒီယိုနဲ့ အသံဖိုင်တွေလည်း ပါဝင်တာကြောင့် ဒီရာသီနဲ့အလိုက်ဖက်ဆုံး App ပါ။
3. Smiling Mind
ဆယ်ကျော်သက်လူငယ်တွေအတွက် အဓိကရည်ရွယ်ပြီး ထုတ်ထားတဲ့ App တစ်ခုပါ။ ရိုးရှင်းတဲ့ UI ပုံစံကြောင့် သုံးရလွယ်ကူပြီး Animation ပုံစံလေးကြောင့် လူငယ်လေးတွေအကြိုက်ပါ။ ဆရာတွေနဲ့အတူ သင်ယူနိုင်ပြီး ကိုယ်နှစ်သက်ရာ ဆရာကိုလည်း ရွေးချယ်နိုင်ပါသေးတယ်။ လေ့ကျင့်ခန်းများကို မှတ်တမ်းတင်ပေးထားပြီး ကိုယ့်ရဲ့တိုးတက်မှုကိုလည်း ပြန်ဆန်းစစ်နိုင်ပါတယ်။ Bignner Cousre ကစတာကြောင့် အလွယ်တူ လိုက်လေ့ကျင့်နိုင်ပါတယ်။
Meditation App တွေဟာဆိုရင် စိတ်ဖိစီးမှုနဲ့ စိတ်ပင်ပန်းမှုတွေကို လျော့နည်းစေဖို့လည်း ကူညီပေးပြီး ကျန်းမာရေးအနေနဲ့လည်း ကောင်းမွန်တဲ့ အိပ်စက်ခြင်းကို အထောက်အကူပြုစေပါတယ်။ လိုအပ်နေမယ့်သူတွေအတွက် အခုဖော်ပြခဲ့တဲ့ Meditation App တွေက အဆင်ပြေစေမယ်လို့ မျှော်လင့်ပါတယ်။
