သမိုင်းမှတ်တမ်းသစ် ရေးထိုးမှာလား မက်ဒရစ်သားများ
ဒီညမှာတော့ ရီးရဲလ်မက်ဒရစ်နဲ့ ဒေါ့မွန်တို့ဟယ ချန်ပီယံလိဂ်ဖိုင်နယ်ပွဲစဉ်အဖြစ် ၀င်ဘလေမှာ ယှဉ်ပြိုင်သွားမှာ ဖြစ်ပါတယ်။
ချန်ပီယံလိဂ်ဖိုင်နယ်ဟာ ဒီရာသီ ဥရောပပြိုင်ပွဲတွေရဲ့ နောက်ဆုံးပွဲစဉ်ဆိုလည်းဖြစ်ပြီး ကလပ်ပြိုင်ပွဲတွေထဲမှာ ရင်ခုန်စိတ်လှုပ်ရှားအကောင်းဆုံးနဲ့ ဂုဏ်သိက္ခာအမြင့်မားဆုံးပွဲစဉ်ဖြစ်တာကြောင့် တစ်ကမ္ဘာလုံးက ပရိသတ်တွေဟာ စိတ်၀င်တစားနဲ့ စောင့်ကြည့်နေကြမှာ အသေအချာပါပဲ။
တကယ်လို့ ဗိုလ်လုပွဲမှာ ရီးရဲလ်မက်ဒရစ်သာ ဗိုလ်စွဲခဲ့ရင် သူတိုဟာ ချန်ပီယံလိဂ်ဆုဖလားကြီးကို ၁၅ကြိမ်မြှောက် ကိုင်မြှောက်နိုင်မှာဖြစ်ပြီး သူတို့ရဲ့ဆုဖလားအရေအတွက်က ချန်ပီယံဆုဖလားဒုတိယအများဆုံးအသင်း အေစီမီလန်ထက်တောင် ၂ဆကျော် များသွားမှာပါ။
မက်ဒရစ်ကစားသမားတွေဖြစ်တဲ့ လူကာမိုဒရစ်၊ နာချို၊ တိုနီခရူးစ်၊ ကာဗာဟယ်လ်တို့ကလည်း ဘောလုံးသမိုင်းတစ်လျှောက် ချန်ပီယံလိဂ်ဆုဖလားကြီးကို ၆ကြိမ်မြောက်နိုင်တဲ့ ပထမဆုံးကစားသမားတွေ ဖြစ်လာပါလိမ့်မယ်။ မက်ဒရစ်ဂန္တ၀င်ကြီးတွေဟာ မြို့ခံပြိုင်ဘက် ဘာစီလိုနာထက်တောင် ချန်ပီယံလိဂ်ဖလား ပိုရထားတဲ့ ကစားသမားတွေ ဖြစ်လာမှာပါ။
မက်ဒရစ်နည်းပြကြီး ကာလိုအန်ဆယ်လော့တီကလည်း ဥရောပချန်ပီယံဆု ( ကစားသမားဘ၀မှာ European Cup ၂ကြိမ်၊ နည်းပြဘ၀မှာ ချန်ပီယံလိဂ်ဖလား ၅ကြိမ် ) ကို ၇ကြိမ် ကိုင်မြှောက်နိုင်တဲ့ ပထမဆုံးလူပုဂ္ဂိုလ် အဖြစ် မှတ်တမ်းသစ် ရေးထိုးနိုင်ပါလိမ့်မယ်။
ဒီရာသီဥရောပပြိုင်ပွဲ ဖိုင်နယ်ပွဲစဉ်နှစ်ခုမှာ ရေပန်းသိပ်မစားတဲ့အသင်းတွေ ဗိုလ်စွဲထားတာကြောင့် ဒီညမှာ ဒေါ့မွန်ဘက်ကနေ သမိုင်းမှတ်တမ်းသစ်တင်ရေးထိုးနိုင်မလားဆိုတာလည်း စိတ်၀င်စားစရာပဲ မဟုတ်လား။
