ဘန်ကောက်မှာ ဟိုတယ်မီးလောင်သဖြင့် လူ သုံးဦး ေ-သဆုံး
ထိုင်းနိုင်ငံ ဖရာနခွန် ခရိုင် ခိုဆန်လမ်းအနီးရှိ ဟိုတယ်တစ်လုံး တနင်္ဂနွေနေ့ညက မီးလောင်သောကြောင့် လူ သုံးဦး ေ-သဆုံးကာ ခုနစ်ဦး ဒဏ်ရာရခဲ့သည်ဟု သိရသည်။
တန်နီလမ်းပေါ်ရှိ သည်အမ်ဘာဟိုတယ်တွင် တနင်္ဂနွေနေ့ည ၉း၂၁ နာရီက မီးလောင်ခဲ့ခြင်း ဖြစ်သည် ဟု ရဲတပ်ဖွဲ့က ပြောသည်။
ခြောက်ထပ်ဟိုတယ်၏ ငါးလွှာမှ မီးစတင်လောင်ကျွမ်းခဲ့ခြင်းဖြစ်ပြီး မီးသတ်သမားများက တစ်နာရီခန့်အတွင်း မီးထိန်းနိုင်ခဲ့သည်ဟု မျက်မြင်တွေ့ရှိသူများက ပြောသည်။
ဟိုတယ်အတွင်း၌ လူ ၄၀ ခန့်ပိတ်မိခဲ့ပြီး ယင်းတို့ထဲက အများစုကို ဟိုတယ်ခေါင်မိုးမှတဆင့် မီးသတ်ယာဉ်လှေကားဖြင့် ကယ်ဆယ်ပေးခဲ့သည်ဟု ဘန်ကောက်အုပ်ချုပ်ရေးမှူး ချက်ချဒ် ဆစ်တီပွန့် က ပြောကြားခဲ့သည်။
ငါးလွှာ အခန်းနံပါတ် ၅၀၂ မှ နိုင်ငံခြားသား အမျိုးသမီးတစ်ဦးကိုေ-သဆုံးလျက်တွေ့ရှိခဲ့သည်။ ထို့အတူ ဒဏ်ရာအပြင်းအထန်ရထားသော နိုင်ငံခြားသားနှစ်ဦးသည်လည်း ဆေးရုံတွင် ေ-သဆုံးသွားခဲ့သည်။ ေ-သဆုံးခဲ့သူများမှာ မည်သည့်နိုင်ငံသား များဖြစ်ကြောင်းကိုမူ တာဝန်ရှိသူများ မဖော်ထုတ်နိုင်သေးဟု သိရသည်။
ဒဏ်ရာရခဲ့သူ ခုနစ်ဦးတွင် ထိုင်းနှစ်ဦး၊ ဂျပန်တစ်ဦး ၊ဂျာမန်နှစ်ဦး၊ တရုတ်တစ်ဦးနှင့် အခြားနိုင်ငံခြားသားတစ်ဦးတို့ဟု ဆိုသည်။
မီးသတ်သမားများသည် မီးကို အလျင်အမြန် ငြိမ်းသတ်နိုင်ခဲ့ကြသည်ဟု ဘန်ကောက်အုပ်ချုပ်ရေးမှူး ချက်ချဒ် က ပြောသည်။ ဟိုတယ်ကို လုံခြုံဘေးကင်းမှုဆိုင်ရာ စစ်ဆေးမှုများလုပ်ဆောင်ဖို့အတွက် ပိတ်ထားရန် သူက ညွှန်ကြားခဲ့သည်။
