စပါးနဲ့ပွဲက ဒိုင်လူကြီးရဲ့ဆုံးဖြတ်ချက်ကို ဗန်ဒိုက် မေးခွန်းထုတ်

ဇန်နဝါရီ ၉

လီဗာပူးလ်အသင်းခေါင်းဆောင် ဗန်ဒိုက်က စပါးအသင်းကို ၁ ဂိုး-ဂိုးမရှိနဲ့ အရေးနိမ့်ခဲ့တဲ့ ကာရာဘောင်းဖလား ဆီမီးဖိုင်နယ် ပထမအကျော့ပွဲစဉ်မှာ စပါးကစားသမား ဘာ့ဂ်ဗောလ်ကို ဒုတိယအဝါကတ် မပြသခဲ့တဲ့ ဒိုင်လူကြီးရဲ့ ဆုံးဖြတ်ချက်ကို မေးခွန်းထုတ်ခဲ့ပါတယ်။

ဗန်ဒိုက်က “ဒုတိယ အဝါကတ် ပြသရမယ်ဆိုတာ အလွန်သိသာပါတယ်။ ကျနော့်အမြင်မှာ ဒိုင်လူကြီးက အမှား ပြုလုပ်ခဲ့ပြီး ကျနော် သူ့ကိုပြောခဲ့ပါတယ်။ သူကတော့ အမှားမလုပ်ခဲ့ဘူးလို့ ထင်နေပါတယ်။ ဒါက အလွန်သိသာ ပြီး ဘေးနားမှာရှိတဲ့ လူတိုင်းသိပါတယ်။ ဒီနေရာမှာ စည်းကြပ်ဒိုင်လည်းရှိတယ်၊ စတုတ္ထဒိုင်လည်းရှိတယ်၊ VAR လည်း ရှိပေမယ့် သူဟာ ဒုတိယအဝါကတ် မရခဲ့ပါဘူး။ ဒါက ကျနော်တို့ ရှုံးနိမ့်တဲ့ အကြောင်းရင်းလို့ ပြောတာ မဟုတ်ပေမယ့် ဒီအဖြစ်အပျက်ဟာ ပွဲထဲမှာ ကြီးမားတဲ့အခိုက်အတန့်ပါ”လို့ ပြောခဲ့တာပါ။

စပါးအသင်းကစားသမား ဘာဂ့်ဗောလ်ဟာ ဒီပွဲစဉ်ရဲ့ပွဲချိန် ၆၈ မိနစ်မှာ လူးဝစ်ဒီယက်ဇ်ကို ပြစ်ဒဏ်ကျူးလွန်ခဲ့လို့ ကွင်းလယ်ဒိုင်လူကြီးရဲ့ အဝါကတ်ပြသခြင်းကို ခံခဲ့ရတာဖြစ်ပါတယ်။

ဘာဂ့်ဗောလ်ဟာ ဆီမီကတ်စ်ကို နောက်ထပ် ပြစ်ဒဏ်ကျူးလွန်ခဲ့ပေမယ့် ကွင်းလယ်ဒိုင်လူကြီးဟာ သူ့ကို နောက်ထပ် အဝါကတ်ပြသဖို့ ပွဲကိုရပ်တန့်ခဲ့ခြင်းမရှိတာပါ။

ဒီဖြစ်ရပ်ပြီးနောက် ဆီမီကတ်စ်ဟာ ကွင်းပြင်ထွက်ပြီး ဆေးကုသမှု ခံယူနေချိန်အတွင်းမှာ ဘာဂ့်ဗောလ်ဟာ စပါးအသင်းအတွက် အနိုင်ဂိုးသွင်းယူခဲ့တာ ဖြစ်ပါတယ်။

ဗန်ဒိုက်ကတော့ ဘာဂ့်ဗောလ်ကို ဒုတိယ အဝါကတ်ပြသပြီး မထုတ်ပယ်တဲ့ ကွင်းလယ်ဒိုင်လူကြီးရဲ့ ဆုံးဖြတ် ချက်ကို ဒေါသထွက်နေခဲ့တာပါ။

လီဗာပူးလ်အသင်းနည်းပြ အာနီဆလော့ကလည်း ဘာဂ့်ဗောလ် ထုတ်ပယ်ခံရသင့်ပြီး ကွင်းလယ်ဒိုင်လူကြီးရဲ့ ဆုံးဖြတ်ချက်က ပွဲရလဒ်အပေါ် အများကြီး သက်ရောက်မှုရှိခဲ့တယ်လို့ ပြောခဲ့ပါတယ်။

လီဗာပူးလ်အသင်းဟာ ဒီရှုံးပွဲကြောင့် ပြိုင်ပွဲစုံ ၂၄ ပွဲ ဆက်တိုက် ရှုံးပွဲမရှိတဲ့ မှတ်တမ်းကောင်း ရပ်တန့်သွားခဲ့ ရပါတယ်။

စပါးနဲ့ လီဗာပူးလ် အသင်းတို့ရဲ့ ဆီမီးဖိုင်နယ် ဒုတိယအကျော့ ပွဲစဉ်ကို ဖေဖော်ဝါရီ ပထမအပတ်မှာ ယှဉ်ပြိုင်ရမှာ ပါ။

လီဗာပူးလ်အသင်းဟာ လာမယ့် FA ဖလား တတိယအဆင့်ပွဲစဉ်မှာ အက်ကာရင်တန်အသင်းနဲ့ ယှဉ်ပြိုင်ရမှာ ဖြစ်ပြီး စပါးအသင်းက တန်ဝေါ့အသင်းနဲ့ ယှဉ်ပြိုင်ရမှာဖြစ်ပါတယ်။

Source: ESPN

ပုံ - ဗန်ဒိုက်နဲ့ ဒိုင်လူကြီးကို တွေ့ရစဉ်

#centralnewsnaypyitaw

နေပြည်တော်စည်ပင်က ခေါ်ယူသော
အမှုထမ်းရာထူး(၈၀)နေရာတွက် အလုပ်ခေါ်နေပါတယ်

#govjov

Tattoo ideas

Tattoo ideas

Tattoo ideas

Tattoo ideas

Tattoo ideas

လီဗာပူးလ်အသင်းတိုက်စစ်ကစားသမား ဖီဒရီဂို ချီဆာရဲ့အေးဂျင့်ဖြစ်သူ ဖာလီရာမာဒါနီက ဒီဇန်နဝါရီစျေးကွက်ကာလမှာအသင်းပြောင်းရွှေ့ဖို့ထွက်ပေါ်နေတဲ့ကောလဟာလသတင်းတွေကိုတုံ့ပြန်ပြောဆိုလာခဲ့ပါတယ်။

အသက် ၂၇ နှစ်အရွယ်ကစားသမားဟာ ပြီးခဲ့တဲ့နွေရာသီကာလတုန်းက ပြောင်းရွှေ့ကြေးပေါင် ၁၂ သန်းနဲ့အတူ ကြိုးကြာနီအသင်းဆီပြောင်းရွှေ့လာခဲ့ပေမဲ့ လက်ရှိအချိန်အထိတော့ လေ့ကျင့်ရေးလုပ်ဆောင်စဉ်မှာဒဏ်ရာပြသနာတွေထပ်ခါတလဲလဲရနေပြီးခန္ဓာကိုယ်ကြံ့ခိုင်မှုပြသနာကြောင့် ၄ ပွဲသာပါဝင်ကစားထားခဲ့ရပါတယ်။

ပွဲထွက်မကစားရတဲ့ခန္ဓာကိုယ်ကြံ့ခိုင်မှုပြသနာကြောင့်ကစားသမားအနေနဲ့ အသင်းကနေလက်လွှတ်ခံရဖို့ရှိနေတဲ့သတင်းတွေထွက်ပေါ်လာစေခဲ့ပြီး နာပိုလီနဲ့ဖီအိုရင်းတီးနားအသင်းတို့အပါအဝင် အီတလီကလပ်အသင်းကြီးတွေကစိတ်ဝင်စားလာကြတာဖြစ်ပါတယ်။

နာပိုလီအသင်းကလည်း ဆောင်းရာသီကာလစျေးကွက်မှာချီဆာကိုခေါ်ယူဖို့အတွက် လီဗာပူးလ်အသင်းကိုမချိတ်ဆက်လာခဲ့ပါဘူး။ပြီးတော့ ကလပ်အသင်းကိုယ်တိုင်ကလည်း ကစားသမားကိုအသင်းကနေလက်လွှတ်ဖို့ရည်မှန်းချက်မရှိပါဘူးလို့ နောက်ဆုံးမှာတော့ ကစားသမားအေးဂျင့်ဖြစ်သူကအဆိုပါကောလဟာလသတင်းတွေနဲ့ပတ်သက်ပြီးထုတ်ဖော်ပြောဆိုလာခဲ့ပါတယ်။
 
#ဘောလုံးသတင်းအစုံအလင်

ဇလုံတောင်ဘုရား ခရီးစဥ်ပြန်ဖွင့်ပေမယ့် ရပ်ဝေးခရီးသွားဝင်ရောက်မှုမရှိ

ဇန်နဝါရီ ၉

တိုက်ပွဲကြောင့် ပိတ်ထားတဲ့ စစ်ကိုင်းတိုင်း ၊ကသာခရိုင်၊ဗန်းမောက်မြို့နယ်ရှိ ဇလုံတောင် ဘုရားဖူးခရီးစဥ်ကို သွားလာခွင့် ပြန်ဖွင့်လိုက်ပေမယ့် ရပ်ဝေးခရီးသွားဧည့်သည်လာရောက်မှု မရှိသေးဘူးလို့ ဒေသခံတွေဆီကသိရပါတယ်။

ဇလုံတောင်ဘုရား တောင်တက်ခရီးစဥ်နဲ့ တောင်တက်မော်တော်ယာဥ်လိုင်းတွေသွားလာခွင့်ကို ဇန်နဝါရီလ ၆ ရက်နေ့မှာ သက်ဆိုင်ရာနယ်မြေအာဏာပိုင်တွေနဲ့ဘုရားဂေါပကအဖွဲ့ပူးပေါင်းပြီး ပြန်ဖွင့်ပေးခဲ့တာဖြစ်တယ်လို့သိရပါတယ်။

ဇလုံတောင်ဘုရားဖူးခရီးစဥ်ပြန်ဖွင့်တဲ့နေ့ကစပြီး လက်ရှိအထိ သွားရောက်မှုက ရပ်နီးခရီးသွားအနည်းစုသာရှိတယ်လို့သိရပါတယ်။

" တရက်ကို တစီး နှစ်စီးပဲ ရှိသေးတယ်။ မများသေးဘူး ။ခေတ်ကာလမကောင်းတော့ အရင်လို လာကြမယ်မထင်ဘူး။အခုက ရပ်ဝေးကမလာသေးဘူး။စစ်ကိုင်းတိုင်းထဲ ဟုမ္မလင်းတို့ ခန္တီးတို့ဘက်ကပဲလာသေးတယ်။လုံခြုံရေးကတော့ ဗန်းမောက်အထိရောက်အောင်လာနိုင်ရင်ကောင်းပါတယ်။ ဗန်းမောက်မြို့ပေါ်နဲ့ဗန်းမောက်အနောက်ဘက်နယ်မြေတွေက SNA စိုးမိုးထားပါတယ်" လို့ ဗန်းမော်ဒေသခံကပြောပါတယ်။

လက်ရှိမှာ ဇလုံတောင်တက်ကားတွေက ခရီးသည်တယောက်ကို တောင်တက်ခ၂၀၀၀၀ ကျပ်ကောက်ခံပြီး ဝန်ဆောင်မှုပေးနေတာဖြစ်တယ်လို့သိရပါတယ်။

ဇလုံတောင် ဘုရားဖူးကို NLD အစိုးရလက်ထက်မှာတောင်တက် ဘုရားဖူးခရီးစဥ်အဖြစ် စတင်ဖော်ဆောင်ခဲ့တာဖြစ်ပြီး ခရီးသွားဧည့်သည်တွေသွားလာမှုများပြားခဲ့တယ်လို့သိရပါတယ်။

" အဲဒီကာလတုန်းကတော့ ဘာတိုက်ပွဲမှလည်းမရှိဘူး။ဘယ်နေရာသွားသွားလုံခြုံမှုရှိတော့ ဇလုံတောင်ခရီးစဥ်လည်းသွားကြတယ်။လမ်းခရီးကြမ်းပေမယ့်လည်းသွားကြတယ်။အခုက စစ်ကိုင်းတိုင်း မှာဒီလောက်တိုက်ပွဲတွေဖြစ်နေတာဘယ်သူကမှမသွားရဲဘူး။ဘယ်လောက်ပဲလုံခြုံရေးအာမခံပါတယ်ပြောပြောခုကာလတော့အဆင်မပြေဘူး။ ကျွန်တော်တို့လည်း အာမ မခံနိုင်ဘူးလေ။လူတိုင်းက ကိုယ့်အသက် အန္တရာယ်ဖြစ်မှာကြောက်ကြတယ်။ အန္တရာယ်ကင်းတာမှန်ရင် ခရီးသွားတွေကတားမရဘူးသွားကြမှာပဲ။ " လို့ ခရီးသွားလုပ်ငန်းရှင်တယောက်က သုံးသပ်ပြောပါတယ်။

ဇလုံတောင် ဘုရားဖူးခရီးစဥ်ကိုတော့ နယ်မြေတွင်းတိုက်ပွဲတွေကြောင့် ပြီးခဲ့တဲ့ ၂၀၂၂ ခုနှစ်ကတည်းက ပိတ်ထားခဲ့တာဖြစ်ပြီး ၃နှစ်အကြာမှာ သွားလာခွင့် ပြန်ခွင့်ပြုလာတာဖြစ်တယ်လို့သိရပါတယ်။

လက်ရှိဗန်းမောက်မြို့ကို SNA ရှမ်းနီအမျိုးသားတပ်မတော်က နယ်မြေစိုးမိုးထားပြီး ဗန်းမောက်မြို့နယ် တောင်ပိုင်းနဲ့မြောက်ပိုင်းဒေသတွေမှာတော့ KIA နဲ့PDF ပူးပေါင်းတပ်တွေက စိုးမိုးထားတယ်လို့ဒေသခံတွေပြောပြချက်အရ သိရပါတယ်။

ဇလုံတောင်ကတော့ ဗန်းမောက်မြို့ရဲ့အနောက်မြောက်ဘက်၁၂ မိုင်အကွာမှာတည်ရှိပါတယ်။

Photo - ဇလုံတောင်ဘုရားဖူးသွားကြမယ်

#သတင်းဟင်းလေးအိုးကြီး

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဇန်နဝါရီ ၉

#ရွှေဈေး

-ကမ္ဘာ့ရွှေဈေး
တအောင်စ ၂၆၆၀ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၆၀၀၀၀ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၄၁၀၀၀၀ ကျပ်
ဝယ်ဈေး ၆၃၇၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၂၁၀၀၀၀ ကျပ်
ဝယ်ဈေး ၆၁၇၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၈၀ ကျပ်
ဝယ်ဈေး - ၄၅၀၀ ကျပ်

-စင်္ကာပူဒေါ်လာ
ရောင်းဈေး - ၃၃၉၅ ကျပ်
ဝယ်ဈေး - ၃၂၃၅ ကျပ်

-ယူရို
ရောင်းဈေး - ၄၇၀၅ ကျပ်
ဝယ်ဈေး - ၄၆၁၀ ကျပ်

-ထိုင်းဘတ်
ရောင်းဈေး - ၁၃၁.၅၈ ကျပ်
ဝယ်ဈေး - ၁၂၉.၀၃ ကျပ်

-မလေးရှားရင်းဂစ်
ရောင်းဈေး - ၁၀၁၂ ကျပ်
ဝယ်ဈေး - ၉၉၂ ကျပ်

-တရုတ်ယွမ်
ရောင်းဈေး - ၆၂၂ ကျပ်
ဝယ်ဈေး - ၆၁၀ ကျပ်

-ဂျပန်ယန်း
ရောင်းဈေး - ၂၈.၈၄ ကျပ်
ဝယ်ဈေး - ၂၈.၂၈ ကျပ်

-အိန္ဒိယရူပီး
ရောင်းဈေး - ၅၃.၀၅ ကျပ်
ဝယ်ဈေး - ၅၂.၀၃ ကျပ်

-ကိုရီးယားဝမ်
ရောင်းဈေး - ၃.၁၃ ကျပ်
ဝယ်ဈေး - ၃.၀၇ ကျပ်

-စတာလင်ပေါင်
ရောင်းဈေး - ၅၆၃၅ ကျပ်
ဝယ်ဈေး - ၅၅၂၅ ကျပ်

-ဩစတြေးလျဒေါ်လာ
ရောင်းဈေး - ၂၈၃၀ ကျပ်
ဝယ်ဈေး - ၂၇၇၅ ကျပ်

-ကနေဒါဒေါ်လာ
ရောင်းဈေး - ၃၁၇၀ ကျပ်
ဝယ်ဈေး - ၃၁၁၀ ကျပ်

-ဟောင်ကောင်ဒေါ်လာ
ရောင်းဈေး - ၅၈၅ ကျပ်
ဝယ်ဈေး - ၅၇၄ ကျပ်

-ယူအေအီး
ရောင်းဈေး - ၁၂၄၀ ကျပ်
ဝယ်ဈေး - ၁၂၁၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

#သတင်းဟင်းလေးအိုးကြီး