တံငါနားနီးတံငါတယ့်

DeepSeek လိုမျိုး AI Model တွေ ထုတ်မယ့် ယူအေအီး
AI နည်းပညာပြိုင်ဆိုင်မှုက အရှေ့အလယ်ပိုင်း အာရပ်သူဌေးတွေဆီပါ ကူးစက်လာနေပါတယ်။
အခုဆို ယူအေအီးကလည်း AI model သစ်တွေ ထုတ်သွားမယ့်အကြောင်း ပြောလာပါတယ်။ ယူအေအီးအာဏာပိုင်တွေက တန်ဖိုးနည်း တရုတ် DeepSeek နည်းပညာကို အားကျပြီး DeepSeek စတိုင် AI တွေ ဖန်တီးတော့မှာပါ။
ဒူဘိုင်းမှာ ဒီတစ်ပတ် ကျင်းပနေတဲ့ ကမ္ဘာ့အစိုးရများဆန်းမစ်မှာ ယူအေအီးနိုင်ငံ အဆင့်မြင့်နည်းပညာသုတေသနကောင်စီ ဥက္ကဌ ဖိုင်ဆယ် အယ်လ် ဘန်နိုင်းက ဒီသတင်းစကား ပေးသွားတာပါ။
"အံ့ဖွယ်သတင်းပါပဲ။ ဒီဂိမ်းက အခုမှ အစပဲ ရှိသေးတယ်လို့ သက်သေပြသွားတာ" ဆိုပြီး DeepSeek ကြောင့် အမေရိကန်စတော့တွေ ကသောင်းကနင်း ဖြစ်ကုန်တာကို ဘန်နိုင်းက ညွှန်းခဲ့ပါတယ်။
ဘန်နိုင်းက ယူအေအီးရဲ့ AI model ဖြစ်တဲ့ Falcon ကို ထုတ်ခဲ့တဲ့နောက်ကွယ်က ခေါင်းဆောင်ပါ။ ၂၀၂၃ မှာ ထွက်ခဲ့တဲ့ Falcon က Large Language Model လောကမှာ OpenAI ထုတ် ChatGPT လို ထိပ်တန်း မော်ဒယ်တွေနဲ့ ယှဉ်နိုင်စွမ်းရှိခဲ့ပါတယ်။
ယူအေအီးမှာက Falcon အပြင် အာရေဗျစကားသုံး Jais AI chatbot လည်း ထုတ်ထားပါတယ်။ အခုတော့ AI ခေတ်ဦးကို အမှီလိုက်ဖို့ အသေအချာပြင်ဆင်လာပုံပါပဲ။ ယူအေအီးလိုပဲ ဆော်ဒီအာရေဗျနိုင်ငံကလည်း AI ဒေတာစင်တာမှာ ဒေါ်လာ ၅ ဘီလျံ ရင်းနှီးမြှပ်နှံဖို့ ပြင်နေပါတယ်။
ရေနံလောင်စာနဲ့ ချမ်းသာတဲ့နိုင်ငံတွေတော့ နည်းပညာအစွမ်းနဲ့ စီးပွားရေးကို မြှင့်ဖို့ အသင့်ဖြစ်နေပြီလို့ ဆိုရမှာပါ။

မတ်လ ၂ ရက်မှာ Xiaomi 15 Ultra မိတ်ဆက်မည်
ဖေဖော်ဝါရီ ၂၆ လို့ ခန့်မှန်းနေကြပေမဲ့ Xiaomi ဘက်ကနေ နောက်လ မတ်လ ၂ ရက်နေ့မှာ မိတ်ဆက်သွားမယ်ဖြစ်ကြောင်း confrim လိုက်ပါပြီ။ လောလောဆယ် China မှာတော့ Blind Pre-order မှာယူနိုင်ပြီလို့ ဆိုထားပါတယ်။

စျေးကွက်အတွင်း ဆေးဝါးမှတ်ပုံတင်မရှိသော OXYTOCIN ဆေးများ သုံးစွဲရန်မသင့်ကြောင်း FDA သတိပေး

ဖေဖော်ဝါရီ ၁၇

စျေးကွက်အတွင်း၌ ဆေးဝါးမှတ်ပုံတင်မရှိသော OXYTOCIN ဆေးများ ရောင်းချမှုများရှိနေပြီး သုံးစွဲရန် မသင့်ကြောင်း အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က ယနေ့ (ဖေဖော်ဝါရီလ ၁၇ရက်) တွင် အသိပေးထုတ်ပြန်ထားသည်။

အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဈေးကွက်ရှိဆေးဝါးများကို ပုံမှန်စစ်ဆေးလျက်ရှိပြီး အရည်အသွေး၊ အာနိသင၊ ဘေးအန္တရာယ်အာမခံချက်မရှိသည့် ဆေးဝါးမှတ်ပုံတင်မရှိသော OXYTOCIN ဆေးများကို ဈေးကွက်အတွင်းရောင်းချနေခြင်းအားတွေ့ရှိရသည်ဟုဆိုသည်။

ထိုသို့တွေ့ရှိရသဖြင့် ပြည်သူများ သတိပြုနိုင်ရန် နှင့် သုံးစွဲခြင်းမှရှောင်ကျဉ်နိုင်ရန် မှတ်ပုံတင်ရှိသောဆေးဝါးနှင့် တရားမဝင်ဆေးဝါးများကို FDA က နှိုင်းယှဉ်အသိ ပေးထုတ်ပြန်ထားသည်။

တရားဝင် တင်သွင်းထားသော OXYTOCIN ဆေးဘူးနှင့် ဆေးကဒ်များတွင် မြန်မာနိုင်ငံ၏ ဆေးဝါးမှတ်ပုံတင် အမှတ် (Mya Reg 2807EA02536) ပါရှိကြောင်း သိရသည်။ စာသားများကိုလည်း အင်္ဂလိပ်ဘာသာဖြင့် ဖော်ပြထားကြောင်း သိရသည်။

ထို့ပြင် တရားမဝင် တင်သွင်းထားသော OXYTOCIN ဆေးဘူးနှင့် ဆေးကဒ်များတွင် မြန်မာနိုင်ငံ၏ ဆေးဝါးမှတ်ပုံတင်အမှတ်မပါရှိသည့်အပြင် စာသားများမှာ ပါကစ္စတန်ဘာသာဖြင့် ဖော်ပြထားကြောင်း FDA က အသိပေး ထားသည်။

#သတင်းဟင်းလေးအိုးကြီး

Premium လို့ဆိုထားပေမဲ့ အခမဲ့သုံးနိုင်မယ့် Perplexity ရဲ့ DeepResearch

Perplexity AI က Research ပိုင်းနဲ့ပတ်သက်ပြီး နာမည်ကြီးတာဆိုတော့ ဒီတစ်ခေါက်အသစ်ထွက်လာတဲ့ DeepResearch ကတော့ ပိုပြီးတောင် ကောင်းမယ်လို့ ဆိုရမှာပါ။

DeepResearch ဆိုတော့ DeepSeek R1 နဲ့အလားတူပဲ ကိုယ်မေးလိုက်တဲ့ အကြောင်းအရာတွေကို AI ဘက်က ဘယ်လိုစဉ်းစားပေးလဲ၊ စဉ်းစားလို့ရလာတဲ့ အချက်အလက်တွေကို Research ပုံစံ အသေးစိတ်ဖော်ပြပေးမှာဖြစ်ပါတယ်။ (ဘယ်လိုမျိုးလဲဆိုတာ DeepSeek R1 သုံးတဲ့သူဆို သိပါလိမ့်မယ်)

Perplexity ဘက်က DeepResearch ကို Premium AI လို့လည်း ဆိုထားတာမို့ အခမဲ့သုံးတဲ့အခါမှာ ကန့်သတ်ချက်တော့ရှိပါတယ်။ သူက တစ်ရက်ကို ၅ ကြိမ်သုံးလို့ရမယ်။ အကယ်၍ သင်က Perplexity Pro user ဆိုရင်တော့ တစ်ရက်ကို အကြိမ် ၅၀၀ တောင် သုံးလို့ရနိုင်မှာပါ။ (Perplexity Pro က တစ်လကို ဒေါ်လာ 20 ပါ)

တစ်ရက် ၅ ကြိမ်အခမဲ့သုံးနိုင်တာက မဆိုးဘူးလို့ဆိုရမှာပါ။ ဘာလို့ဆို DeepResarch ကို ChatGPT Pro နဲ့ Gemini Advanced မှာဆိုရင် ဒေါ်လာ 200 နီးပါးပေးမှ သုံးလို့ရတာမို့ပါ။ နောက်ပြီး DeepResearch ဟာ အခြား AI model တွေ မိနစ် ၃၀ ကြာ reasearch လုပ်နေချိန်မှာ အချိန် ၃ မိနစ်ထဲနဲ့ အချက်အလက်တွေ ထုတ်ပေးနိုင်တဲ့အပြင် တိုတိုနဲ့လိုရင်း နားလည်လွယ်အောင် သေချာရှင်းပြပေးနိုင်တယ်လို့လည်း ဆိုပါတယ်။

ဘယ်လိုပဲဖြစ်ဖြစ် စမ်းသုံးကြည့်ပါ။ ကိုယ်မေးချင်တဲ့အကြောင်းအရာကို ရေးပြီး DeepResearch ကို နှိပ်လိုက်ရုံပါပဲ။ လောလောဆယ်တော့ DeepResearch ကို Web သီးသန့်ပဲ သုံးနိုင်ပါဦးမယ်။ Mac, iOS နဲ့ Android apps တွေမှာတော့ မကြာခင်သုံးနိုင်မယ်လို့ ဆိုထားပါတယ်။

လူတူစက်ရုပ်က ဆန်ဖရန်စစ္စကို ညကလပ်မှာ DJ နဲ့ ဖျော်ဖြေခဲ့
===================================
စက်ရုပ်တွေကို နယ်ပယ်ပေါင်းစုံမှာ အသုံးပြုလာကြပြီး အခုတော့ အနုပညာရှင် စက်ရုပ်တွေလည်း ထွက်ပေါ်လာပါပြီ။
Foundation Robotics Lab က တီထွင်ထားတဲ့ Phantom MK1 လူတူစက်ရုပ်ဟာ ဆန်ဖရန်စစ္စကို ညကလပ်ရဲ့ ၂၅ နှစ်ပြည့် အထိမ်းအမှတ် “GigaParty” မှာ DJ နဲ့ ဖျော်ဖြေခဲ့ပါတယ်။ စက်ရုပ်ဟာ သီချင်းတွေ ပြောင်းဖွင့်တဲ့အခါမှာ လျှင်မြန်သလို တိကျပါတယ်။ DJ တီးခတ်စဉ်မှာ လက်ချောင်းတွေဟာ ချောမွတ်ပြီး တည်ငြိမ်တာကို တွေ့ရပါတယ်။
စက်ရုပ်ရဲ့ အောက်ပိုင်းမှာ ဟန်ချက်ညီအောင် ပြုလုပ်ပေးတဲ့ စနစ်ကို ထည့်သွင်းထားပြီး ကိုယ်ထည် အထက်ပိုင်းမှာ Processor , Cameras , Batteries နဲ့ Sensors တွေ တပ်ဆင်ထားပါတယ်။
Phantom MK1 ရဲ့ အလေးချိန်ဟာ ၁၇၅ ပေါင် ရှိပြီး အရပ်အမြင့်က ၁.၇၅ မီတာ (၅ ပေ ၉ လက်မ) ရှိပါတယ်။ စက်ရုပ်ဟာ ၂၀ ကီလိုဂရမ် (၄၄ ပေါင်) အလေးချိန်ရှိတဲ့ ပစ္စည်းတွေကို သယ်ဆောင်နိုင်ပါတယ်။ စက်ရုပ်ဟာ DJ တီးခတ်တာတင်မကဘဲ အဖျော်ယမကာကိုလည်း ဖျော်နိုင်ပါတယ်။

AI လူတူစက်ရုပ်ထုတ်ဖို့ အပြိုင်အဆိုင် သတင်းထွက်လာတဲ့ Apple နဲ့ Meta
Meta ကနေ AI နည်းပညာသုံး လူတူစက်ရုပ်တွေထုတ်ဖို့ ဘတ်ဂျက်များများသုံးသွားမယ်လို့ သတင်းထွက်နေသလို တစ်ဖက်မှာလည်း Apple ကလည်း လူသားတွေကို အကူအညီပေးနိုင်တဲ့ ဈေးနှုန်းအသက်သာဆုံးနဲ့ ဝယ်ယူနိုင်အောင် စီစဉ်နေတယ်လို့ ဆိုပါတယ်။
Meta အနေနဲ့ စက်ရုပ်ထုတ်ဖို့ သတင်းတွေထွက်ခဲ့ဖူးပေမဲ့ နောက်ပိုင်းမှာတော့ စက်ရုပ်ကုမ္ပဏီတွေကိုသာ AI နည်းပညာတွေ ရောင်းချသွားမယ်ဆိုပြီး ရည်ရွယ်ခဲ့တာပါ။ အဲ့အတွက်လည်း Figuer AI တို့လို စက်ရုပ်ကုမ္ပဏီတွေနဲ့ ဆွေးနွေးခဲ့ပါသေးတယ်။ ဒါပေမဲ့လည်း ဘယ်အကြောင်းကြောင်းနဲ့ Meta နာမည်နဲ့ စက်ရုပ်တွေ ထုတ်ဖို့ ရည်ရွယ်လာသလဲမပြောတတ်ပါဘူး။
နောက်တစ်ခု လူတူစက်ရုပ်တွေ ထုတ်လာဖို့ သတင်းထွက်နေတဲ့ ကုမ္ပဏီတွေထဲ Apple ပါလာတာပါ။ Apple ဟာ လူတူစက်ရုပ်တွေ ထုတ်လုပ်သွားဖို့ ထိပ်တန်းအင်ဂျင်နီယာတွေကို ငှားရမ်းနေတယ်ဆိုပြီး သတင်းထွက်လာတာပါ။ ဒါပေမဲ့လို့ အတိအကျတော့ မဟုတ်သေးပါဘူး။ ခန့်မှန်းထားတာပဲ ရှိသေးတယ်။ ပြီးတော့ ထုတ်မယ်ဆိုရင်တောင် 2028 လောက်မှ တွေ့နိုင်မှာပါ။ နောက်ပြီး Apple ရဲ့ လူတူစက်ရုပ်တွေဟာ ဈေးနှုန်းသက်သာဦးမယ်လို့လည်း ဆိုပါတယ်။
နယ်ပယ်တစ်ခုချင်းစီမှာ အပြိုင်အဆိုင်တွေကတော့ တစ်နေ့ထက်တစ်နေ့ ပိုပိုများပြားလာနေတာပါပဲ။ ကျွန်တော်တို့ကတော့ စောင့်ကြည့်မယ်။ ဝေဖန်မယ်။ အသုံးပြုမယ်။ ဒါပဲပေါ့ဗျာ...

ချဲလ်ဆီးအသင်းဟာ လီဗာပူးလ်အသင်းဂိုးသမားကယ်လ်ဗင်ကလာဟဲလ်ရဲ့အနေအထားကိုအနီးကပ်စောင့်ကြည့်မှုရှိနေပြီး နွေရာသီကာလမှာအသင်းဆီခေါ်ယူအားဖြည့်ဖို့ရှေ့ဆက်လုပ်ဆောင်ဖွယ်ရှိတယ်လို့ မန်ချက်စတာယူနိုက်တက်အသင်းရဲ့ကင်းထောက်အဖွဲ့ခေါင်းဆောင်ဟောင်းမက်ခ်ဘရောင်းန်က Football Insider သတင်းကိုပြောဆိုခဲ့ပါတယ်။

အသက် ၂၆ နှစ်အရွယ်ကလာဟဲလ်ဟာ အသင်းဆီ ဂိုးသမားဂျော်လ်ဂျီမာမာလ်ဒါချဗီလီပြောင်းရွှေ့လာခဲ့ပြီးနောက်ပိုင်း အသင်းရဲ့တတိယဂိုးသမားဖြစ်လာခဲ့တဲ့နောက် အန်ဖီးလ်ကွင်းကနေပြောင်းရွှေ့ထွက်ခွာဖွယ်ရှိနေပါတယ်။ဒီရာသီကာလမှာအယ်လ်လီဆွန်ဒဏ်ရာရရှိနေတုန်းပွဲထွက်ကစားခွင့် ၁၇ ပွဲပါဝင်ကစားထားခဲ့ရပေမဲ့ အာလ်နေးစလော့ဒ်ရဲ့နံပါတ်တစ်ဂိုးသမားနေရာရရေးအတွက်ခက်ခဲနေပုံရပါတယ်။

သူတို့အသင်းဟာ လီဗာပူးလ်အသင်းကကလာဟဲလ်ကိုစောင့်ကြည့်မှုရှိနေပါတယ်။သူဟာ ကောင်းမွန်တဲ့ဂိုးသမားဖြစ်ပြီး ချဲလ်ဆီးအသင်းအတွက်ကောင်းမွန်တဲ့ရွေးချယ်မှုဖြစ်တယ်လို့ကျနော်ထင်ပါတယ်။သူကစားရတဲ့ဘယ်အခါမဆို အထင်ကြီးစရာကောင်းတဲ့ကစားပုံတွေပြသနိုင်ပြီး တိုက်ဆိုင်ရုံပဲ့လက်စွမ်းပြနိုင်တာမျိုးမဟုတ်ပါဘူး။ဒီဟာကသူ့ရဲ့အဆင့်အတန်းဖြစ်ပါတယ်လို့ ဘရောင်းန်ကဖွင့်ဟပြောဆိုခဲ့ပါတယ်။

ခြင်္သေ့ပြာအသင်းမှာလည်း ရောဘတ်ဆန်းချက်ဇ်နဲ့ပတ်သက်ပြီးယုံကြည်မှုပိုင်းအရပြသနာရှိနေပါတယ်။သူတို့အသင်းအနေနဲ့နွေရာသီကာလမှာဂိုးသမားသစ်ခေါ်ယူရေးအတွက်ငွေကြေးပုံအောသုံးဖို့ကြောက်ရွံ့မှုမရှိဘူးဆိုတာလည်းသိပါတယ်။

ဒါကြောင့်သူတို့အသင်းအနေနဲ့ကလာဟဲလ်ရဲ့အနေအထားကိုတဖြေးဖြေးစောင့်ကြည့်နေပြီးတကယ်လို့သူ့အနေနဲ့ပြောင်းရွှေ့ဖို့အဆင်သင့်ဖြစ်မယ်ဆိုရင် ချဲလ်ဆီးအသင်းကလည်း စိတ်ဝင်စားနေတဲ့အသင်းတွေထဲကတသင်းဖြစ်လာမှာဖြစ်ပြီး သူ့အနေနဲ့ချဲလ်ဆီးအသင်းနဲ့ဒီထက်မကပိုကောင်းအောင်လုပ်ဆောင်နိုင်မယ်ဆိုတာကျနော်ထင်ပါတယ်လို့ ထပ်မံဖြည့်စွက်ပြောဆိုခဲ့ပါတယ်။
 
#ဘောလုံးသတင်းစုံ

Action/ Spy ( IMDb - 7.8 )
———————————————
၂၀၁၈ ခုနှစ်ရဲ့ အကောင်းဆုံး ရုပ်ရှင်ဇာတ်ကားဆုရရှိထားတဲ့ မိန်းမသူလျို စပိုင်ကားကောင်း တစ်ကားပါ။ 🥰

အိန္ဒိယနဲ့ပါကစ္စတန် နှစ်နိုင်ငံဟာ မတည့်လိုအမြဲစစ်ဖြစ်နေတဲ့ နိုင်ငံနှစ်ခုပါ။ အခုလည်း စစ်ဖြစ်မဲ့အနေအထားမှာ လင်မယား နှစ်ယောက်။ ယောက်ျားဖြစ်သူက ပါကစ္စတန်စစ်တပ်ရဲ့ထိပ်တန်းအကြီးအကဲမိသားစု၊ မိန်းမဖြစ်သူက အိန္ဒိယကလွှတ်လိုက်တဲ့ အထူးလေ့ကျင့်ထားတဲ့အိန္ဒိယစပိုင် သူလျို။ ဒီလောက်ဆို စိတ်ဝင်စားဖိုကောင်းနေပြီထင်ပါတယ်။

ကလေးဆန်ပြီး ချစ်စရာကောင်းတဲ့ မင်းသမီးလေး Alia Bhatt အဓိကပါဝင်သရုပ်ဆောင်ထားပြီး Rating 7.8 အထိရရှိထားတဲ့ စပိုင် ကားလေးပါ။ 1971 ခုနစ် အိန္ဒိယနဲ့ ပါကစ္စတန် စစ်ပွဲ ကို အခြေတည် ရိုက်ကူးထားတဲ့ကားဖြစ်ပြီး ဒီကားလေးမှာ ပေးချင်တဲ့ မက်ဆေ့တွေက အရမ်းကောင်းပါတယ်။

ကိုယ့်နိုင်ငံရဲ့အကြီးအကဲတွေ ဘယ်လောက်ပဲ မကောင်းဖြစ်နေပါစေ။ ကိုယ့်နိုင်ငံကိုတော့ ကိုယ်ချစ်တတ်ရပါမယ်ဆိုတဲ့စိတ်လေးပါ။

#crd
#storymode

ကျားဖြန့်နှိမ်နင်းရေး ထိုင်းက စက်သုံးဆီဖြတ်မှု လူထုပိုထိခိုက်

ဖေဖော်ဝါရီ ၁၇

ထိုင်း-မြန်မာနယ်စပ်ဒေသရှိ ကျားဖြန့်လုပ်ငန်းများအား နှိမ်နင်းရန် ထိုင်းအစိုးရမှ လျှပ်စစ်မီးနှင့် လောင်စာဆီ ဖြန့်ဝေမှုများကို ဖြတ်တောက်ထားခြင်းကြောင့် ကျားဖြန့်လုပ်ငန်းထက် ဒေသခံလူထုကို ပိုမိုထိခိုက်စေကြောင်း မြဝတီဒေသခံအချို့က ပြောသည်။

ထိုင်းနိုင်ငံမှပေးသည့် လျှပ်စစ်မီးများကို မြဝတီဆေးရုံကြီး၊ ဘဏ်လုပ်ငန်းနှင့် အခြား တရုတ်စီးပွားရေး လုပ်ငန်း များကသာ အသုံးပြုကြခြင်းဖြစ်ပြီး ဒေသခံလူထုမှာမူ ဒေသတွင်း လျှပ်စစ်မီးကိုသာ သုံးစွဲကြသဖြင့် ပြဿနာမရှိ ကြောင်း ၎င်းက ပြောသည်။

ထိုင်း-မြန်မာနယ်စပ် ဒေသခံများသည် ထိုင်းဘက်မှ စက်သုံးဆီများကို အားထားနေရသောကြောင့် ယခုကဲ့သို့ ထိုင်းဘက်မှ ပိတ်လိုက်သဖြင့် တစ်လီတာကို ပုံမှန် ၇၀၀၀ ကျပ် ဝန်းကျင်ပေးရသည်မှ ယခုအခါတွင် ၁၅,၀၀၀ ကျပ်အထိ ပေးနေရကြောင်း အလင်းသစ်လူမှုကူညီရေးအသင်းမှ တာဝန်ရှိသူတစ်ဦးက ပြောသည်။

၎င်းက “လောင်စာဆီ ဖြတ်တောက်တာနဲ့ပတ်သက်ပြီး မြဝတီပြည်သူတွေကတော့ အကုန်လုံးလိုလို အားလုံးပေါ့။ ကျနော်တို့ အပါအဝင် အားလုံး အခက်တွေ့သွားတယ်။ အခက်တွေ့သွားတယ်ဆိုတာက ကျနော်တို့ အဓိကက ထိုင်းဘက်ကမ်းက လောင်စာဆီကိုပဲ အားကိုးပြီး ရပ်တည်နေရတာဆိုတော့ သူတို့ဖြတ်တောက်လိုက်တော့ ဆိုင်တွေမှာ ဆီကို အချိန်ပိုင်းပဲ ရောင်းပေးတယ်။ ရှိတဲ့အချိန်ပေါ့။ မရှိရင်တော့ ဆိုင်ပိတ်ထားတာပေါ့။ ရှိတဲ့အချိန် ရောင်းပေးတဲ့အချိန်မှာ တိုးဝှေ့ပြီး ဝယ်ကြရတာပေါ့။ စက်သုံးဆီကတော့ ပုံမှန်ထက် ဈေးတက်တယ်။ အခုက မြဝတီမှာ မှောင်ခိုဈေးကွက်တစ်ခု ပေါ်လာတာပေါ့ နှစ်ဆလောက်ကို တင်ပြီးတော့ အပြင်ဈေးတွေနဲ့ ရောင်း နေကြတာ။ မြဝတီမြို့ထဲကို တစ်ပိုင်တစ်နိုင်လောက်ပဲ ဝင်တာရှိတယ်။ ဆီဘောက်စာ ကားကြီးတွေနဲ့ ဝင်တာ တော့ မရှိဘူး။ အောက်ကနေတက်တာ ရိုးရိုး ဆီပေပါပေါ့ လီတာ ၂၀၀ ကျော်တွေနဲ့ပဲ ဝင်တာရှိတယ်။ တစ်ပိုင် တစ်နိုင်ကားတွေနဲ့ အပေါ်တင်ပြီး ရောင်းတာမျိုးတွေပဲ ရှိတယ်။ စက်သုံးဆီကတော့ ဒေသခံ ပြည်သူ အားလုံးပဲ ပြောရမှာပေါ့။ ဒုက္ခရောက်နေတာမျိုးတွေ့ရတယ်” ဟု ပြောသည်။

အွန်လိုင်းငွေလိမ်လုပ်ငန်း ကျားဖြန့်များအား နှိမ်နှင်းရန် ထိုင်းအာဏာပိုင်များက မြဝတီမြို့ အပါအဝင် ထိုင်း-မြန်မာနယ်စပ် နေရာ ၅ ခုကို ဖေဖော်ဝါရီ ၅ ရက်နေ့မှ စတင်ကာ လျှပ်စစ်မီး၊ အင်တာနက်နှင့် လောင်စာဆီများ ဖြတ်တောက်ထားခြင်းဖြစ်သည်။

ထို့ပြင် ဖေဖော်ဝါရီ ၁၂ ရက်နေ့မှ စတင်ကာ မိုဘိုင်းဖုန်း၊ အင်ဗက်တာ၊ ဆိုလာပြား စသည့် လျှပ်စစ်ပစ္စည်းများ အပါအဝင် ထိုင်းနိုင်ငံ၏ ထုတ်ကုန် ၁၂ မျိုးကိုလည်း မြန်မာပြည်ထဲ တင်ပို့ခွင့်ကို ထပ်မံပိတ်ပင်လိုက်ခြင်းဖြစ်သည်။

လျှပ်စစ်မီးကို ထိုင်းဘက်မှ ဖြတ်တောက် လိုက်သည့်အတွက် မြဝတီဆေးရုံကြီးတွင် အနည်းငယ် ဒုက္ခရောက် သွားစေကြောင်းလည်း ဒေသခံများထံက သိရသည်။

ယခုကဲ့သို့ လျှပ်စစ်မီး ဖြတ်တောက်တာလောက်က ကျားဖြန့်လုပ်ငန်းတွေအတွက် လုပ်ငန်းနှောင့်နှေးသွားစေရုံ ဖြစ်ပြီး လူထုကိုသာ ထိခိုက်စေခြင်းဖြစ်သည်ဟု ငြိမ်းချမ်းရေးလုပ်ငန်းစဉ်တွင် ပါဝင်လုပ်ဆောင်နေသူ ဦးခွန်းဆိုင် က CNI သတင်းဌာနသို့ ပြောသည်။

၎င်း “အခုလောလောဆယ် ကျနော်တို့ အပေါ်ယံ ကြည့်မယ်ဆိုရင်တော့ မထိရောက်သေးဘူး။ လျှပ်စစ်မီးဖြတ် တာတို့က ရေတိုမှာ ကြည့်လိုက်မယ်ဆိုရင် ကျားဖြန့်လုပ်နေတဲ့ လူတွေအတွက်ကတော့ သူတို့ရဲ့ လုပ်ငန်း နည်းနည်း နှောင့်နှေးသွားတာပဲ ဖြစ်လိမ့်မယ် မပျက်ဘူးပေါ့။ ထိသွားတာကတော့ လူထုပဲဖြစ်တယ်ဆိုတာ အားလုံးမြင်နေကြရတာပဲ။ ဒါကြောင့်မို့လို့ မငြိမ်မသက်ဖြစ်အောင် ဆွပေးချင်တဲ့ လူတွေအတွက်ကလည်းအကွက် ကောင်း ဖြစ်တာပေါ့ လူထုက မကျေနပ်တော့။ ဒီကိစ္စကို ထိုင်းဘက်ကို မေးကြည့်တော့ ထိုင်းဘက်ကလည်း ဒါတွေကို သူတို့လည်း မျက်ခြေမပြတ် ကြည့်နေပါတယ်ပေါ့။ မကြာခင်လည်း သူတို့ ပြန်ဆန်းစစ်သုံးသပ်ပြီး ဘယ်လို ပြောင်းလဲသင့်တယ်ဆိုလည်း သူတို့ပြောင်းပါ့မယ်လို့ ပြောတယ်” ဟု ပြောသည်။

လက်ရှိတွင် ထိုင်းနှင့်မြန်မာတို့ ပူးပေါင်း၍ အွန်လိုင်းငွေလိမ်လုပ်ငန်း ကျားဖြန့်များအား နှိမ်နင်းရေးကို တင်းကြပ် စွာ ကိုင်တွယ်ဆောင်ရွက်နေသကဲ့သို့ တရုတ်ဘက်မှလည်း ဖိအားပေးမှုများ ရှိနေသည်။

ထို့ပြင် ကျားဖြန့်လုပ်ငန်း၌ ပါဝင်သည်ဟု သံသယရှိသူများကိုလည်း ထိုင်းအရာရှိများမှ စုံစမ်းအရေးယူမှုများ ရှိကြောင်း ထိုင်းသတင်းတွေ၌ ဖော်ပြထားသည်။

ပုံ - မြဝတီမြို့မှ ဒေသခံများ ထိုင်းဘက်ကို စက်သုံးဆီထည့်ရန်သွားနေကြစဉ်

#centralnewsnaypyitaw