ပရီးမီးယားလိဂ်မှာ တစ်ရာသီအတွင်းသွင်းဂိုးအများဆုံး စံချိန်ထပ်တင်တဲ့ရာသီ
ယခုတစ်ပတ်ကြားရက် ပရီးမီးယားလိဂ်ပွဲများထဲမှ မန်ယူနိုက်တက်(၄-၂)ရှက်ဖီးယူနိုက်တက်ပွဲတွင် ပွဲချိန်(၄၂)မိနစ်၌ မန်ယူနိုက်တက်နောက်ခံလူ ဟယ်ရီမက်ဂွိုင်းရားသွင်းယူခဲ့သောဂိုးမှာ ယခုရာသီပရီးမီးယားလိဂ်ပြိုင်ပွဲ၏ (၁၀၈၅)ဂိုးမြောက်ဂိုးဖြစ်သည်။ယင်းဂိုးအရေအတွက်မှာ တစ်ရာသီလျှင် (၃၈)ပွဲစီကစားရသော ပရီးမီးယားလိဂ်ပြိုင်ပွဲသက်တမ်းတစ်လျှောက် တစ်ရာသီအတွင်းသွင်းဂိုးစံချိန်ဖြစ်သော (၁၀၈၄)ဂိုးကို ကျော်လွန်သွားစေခဲ့သည်။ပြီးခဲ့သည့် ဧပြီ(၂၅)ရက်နေ့ ပရီးမီးယားလိဂ်ပွဲစဉ်များအပြီးတွင် ယခုရာသီသွင်းဂိုးစုစုပေါင်း(၁၀၉၆)ဂိုးအထိ ရှိလာခဲ့ပြီး ယမန်နှစ်ရာသီက စံချိန်တင်ထားသည့် (၁၀၈၄)ဂိုးကို (၁၀)ဂိုးအသာဖြင့် ကျော်ဖြတ်နိုင်ခဲ့သည်။လက်ရှိတွင် ယခုရာသီပွဲပေါင်း(၃၃၆)ပွဲကစားထားပြီး နောက်ထပ်(၄၄)ပွဲကစားရန် ကျန်ရှိနေသေးရာ ရာသီကုန်တွင် စံချိန်တင်ဂိုးအရေအတွက် မည်မျှဖြစ်သွားမည်ဆိုသည်ကို စောင့်ကြည့်ရမည်ဖြစ်သည်။
