ကမ္ဘာ့မင်ဒလင် နှင့် မြန်မာ့မယ်ဒလင်
မင်ဒလင် (mandolin) သည် ကြိုးတပ်တူရိယာတစ်မျိုး ဖြစ်သည်။ လျုခေါ် အင်္ဂလိပ် ဗျပ်စောင်း မျိုးတွင် ပါဝင်၍ မြန်မာဗျပ်စောင်း နှင့် ခပ်ဆင်ဆင်တူသည်။ မင်ဒလင်အိုးသည် ဗူးသီးခြမ်းသဖွယ် ဖြစ်၏။ လည်တံတို၍ ကန့်လန့်ဖြတ်တုံးကလေးများစွာ ရှိသည်။ ထိပ်ကား၍ ပြားပြီးလျှင် ယင်းတွင် ကြိုးများကို သော့ဟုခေါ်သော ရစ်တံဝက်အူများဖြင့်ထိန်းထားသည်။ မင်ဒလင်တီးရာတွင် လက်ဝဲလက်ဖြင့် လည်တံကိုကိုင်ကာ ဆိုင်ရာကြိုးကိုနှိပ်၍ လက်ယာလက်ဖြင့် လက်ချောင်း၊ သို့မဟုတ် လက်ခတ်သံပြား ကော်ပြားတစ်ခုခုဖြင့် ကြိုးကိုခတ်ရသည်။ ကြိုးမှာ သံမဏိကြိုးများ ဖြစ်၏။ ကြိုးကိုခပ်မြန်မြန်ခတ်လျှင် အသံတုန်များကို ရရှိသည်။
မင်ဒလင်သည် အီတာလျှံ လူမျိုးတို့ စတင်တီးခတ်သော တူရိယာ ဖြစ်၏။ မင်ဒလင် နှစ်မျိုးနှစ်စားရှိပေရာ နှစ်မျိုးလုံးပင် အီတာလျံတို့မှ စတင်ပေါက်ဖွားလာသည်။ တစ်မျိုးမှာ နီယ ပေါ်လီတန် ဟုခေါ်၍ လူသိပိုများသည်။ အလျား နှစ်ပေရှိ၍ ညီညာသောကြိုး ၄ စုံ တပ်သည်။ ကျန်တစ်မျိုးမှာ မိလနိဟု ခေါ်၍ အနည်းငယ် ပို၍ကြီးပြီးလျှင် ညီညာသော ကြိုး ၅ စုံ၊ သို့မဟုတ် ၆ စုံ တပ်သည်။
မင်ဒလင်သည် သံစုံတီးဝိုင်းများတွင် အသုံးပြုသော တူရိယာကြီးမျိုး မဟုတ်ပေ။ သို့ရာတွင် မင်ဒလင်သည် ပေါ့ပေါ့ပါးပါး ယူဆောင် သွားနိုင်သောကြောင့် အပျော်တမ်းတီးခတ်သူများတွင် ခေတ်စားလေသည်။
မြန်မာနိုင်ငံတွင် မင်ဒလင် ခေတ်စားလာပြီးနောက် မြန်မာမှုမြန်မာ့ဟန်အခြေခံ မင်ဒလင် တီးခတ်နည်း များလဲ ပေါ်ပေါက်လာခဲ့သည်။မင်ဒလင်မှာ မြန်မာ့ကျေးလက်ဒေသနှင့် အမွေအနှစ်တခုပြယုဂ်သဖွယ်ဖြင့်လဲခေတ်စားသည်။အမှန်မှာ မင်ဒလင်ဟူ၍ခေါ်ဆိုရသော်လည်း ခေတ်ပြောင်းမြန်မာတို့ခေါ်ဝေါ်မှုအသုံးအနှုန်းများကြောင့် ယခုအခါမယ်ဒလင်ဟု ခေါ်ဆိုကြပါသည်။
စာကြွင်း- မယ်ဒလင်ကြိုးအောက်ခံအဝိုင်းပေါက်အကျယ်တစ်ပေ ပတ်လည်ခန့်ရှိသည်။အရှည်၂ပေ ၄လက်မခန့်ရှိပြီး မယ်ဒလင်အိုးအကျယ်မှာ၃ ပေပတ်လည် အသီးသီးရှိကြပါသည်။
#myspaceadmin
#frankiestories
