Baby sitter
What a great wife!

မန်ယူအသင်း၏ ချန်ပီယံလိဂ် ရှုံးပွဲမရှိ မှတ်တမ်းကို မန်စီးတီးအသင်း လိုက်မီ

တချိန်က မန်ယူအသင်းရဲ့ ချန်ပီယံလိဂ်ရှုံးပွဲမရှိတဲ့ မှတ်တမ်းကို မန်စီးတီးအသင်းက လိုက်မီသွားပါတယ်။

မနေ့ညက ကစားသွားတဲ့ ဆလိုဗန်နဲ့ ပွဲစဉ်မှာ မန်စီးတီးက ၄ ဂိုး ဂိုးမရှိနဲ့ အနိုင်ရခဲ့တာပါ။ အဲဒီပွဲစဉ်ဟာ မန်စီးတီးအတွက် ၂၅ ပွဲ ဆက်တိုက်ရှုံးပွဲမရှိစံချိန်မှတ်တမ်းတခုရရှိခဲ့ပြီး တချိန်က မန်ယူအသင်း တင်ရှိခဲ့တဲ့ မှတ်တမ်းကို လိုက်မီနိုင်ခဲ့တာပါ။

မန်ယူအသင်းဟာ ၂၀၀၇ ခုနှစ်ကနေ ၂၀၀၉ ခုနှစ်အတွင်း ချန်ပီယံလိဂ်ပြိုင်ပွဲမှာ ၂၅ ပွဲ ဆက်တိုက် ရှုံးပွဲမရှိခဲ့တာပါ။

ချန်ပီယံလိဂ်သမိုင်းမှာ ဘိုင်ယန်မြူးနစ်နဲ့ အိုင်းယက်စ်အသင်းတွေက ၁၉ ပွဲ ဆက်တိုက်ရှုံးပွဲမရှိ စံချိန်ရရှိခဲ့တာက အမြင့်ဆုံးဖြစ်ပါတယ်။

မန်စီးတီးအသင်းဟာ လာမယ့်ချန်ပီယံလိဂ်ပွဲစဉ်မှာ ချက်ကလပ် စပါတာပရပ်အသင်းနဲ့ ကစားရမှာဖြစ်ပြီး မရှုံးအောင် ကစားနိုင်မယ်ဆိုရင် ချန်ပီယံလိဂ်သမိုင်းတလျှောက် အရှည်လျားဆုံး ရှုံးပွဲမရှိ စံချိန်သစ် တင်နိုင်မှာ ဖြစ်ပါတယ်။
DVB