ဒီက လူတော်တော်များများက
Switzerland မှာ နေချင်တယ်၊
အခြေချချင်ကြတယ်လို့ပြောကြတယ်
ကိုယ်လည်းအဲ့ထဲက တယောက်ပါပဲ၊
ဒါကြောင့် switနိုင်ငံအကြောင်းနဲ့ အဲ့နိုင်ငံက လူတွေအကြောင်း စာအုပ်တစ်အုပ်မှာ ဖတ်ပြီးတဲ့အခါ၊
ဆွစ်ဇာလန်ရဲ့ အဓိက ပျော်ရွှင်ခြင်းဟာ
တိတ်ဆိတ်ခြင်းပဲ။
တိတ်ဆိတ်ခြင်းဟာ ပျော်ရွှင်ခြင်း
တိတ်ဆိတ်စွာ ကျေနပ်နေခြင်းဟာ အပျော်ရွှင်ဆုံးလို့ သူတို့တွေဟာ မှတ်ယူကြတယ်။
တကယ်တော့ တောတောင်ရေမြေရူခင်းလှရုံနဲ့ နိုင်ငံတနိုင်ငံဟာ အပျော်ရွှင်ဆုံးနိုင်ငံမဖြစ်လာနိုင်ပါဘူး။
ဘယ်လောက်ပဲ လှတဲ့နိုင်ငံဖြစ်နေပါစေဦး၊
အဲ့နိုင်ငံမှာ နေထိုင်တဲ့ လူတွေကြောင့်ပဲ အဲ့နိုင်ငံဟာ
ပျော်ရွှင်စရာကောင်းတဲ့နိုင်ငံလား၊ ပျော်ရွှင်ဖို့ရာ အားနည်းတဲ့ နိုင်ငံလားဆိုတာ ဖြစ်လာမှာပါ။
ဖတ်မိသလောက် ဆွစ်ဇာလန်ရဲ့ ပျော်ရွှင်ခြင်း
သော့ချက်တွေက -
သန့်ရှင်းစွာနေထိုင်ခြင်း
မိမိကိုယ်ကိုလိုတာထက်ပို၍မကြွားဝါတတ်ခြင်း
ပိုင်ဆိုင်မှုကို ထုတ်မပြတတ်ခြင်း
(အိမ်မှာသိန်း၄၀တန်ကော်ဖီစက်ရှိနေတာက ပြဿနာမဟုတ်ဘူး၊ ထုတ်ကြွားနေတာကပြဿနာပါတဲ့)
အနိုင်ရရှိမှုကို လိုတာထက်ပို မထုတ်ပြခြင်း
စည်းကမ်းကြီးခြင်း မနာလိုစိတ်မရှိခြင်း
ပိုက်ဆံအကြောင်းမပြောတတ်ခြင်း
(ဒါပေမယ့် ဘဏ်လုပ်ငန်းနဲ့ရပ်တည်တဲ့နိုင်ငံပါ)
ဟာသဉာဏ်မရှိခြင်း(ဒါကတော့ ထူးဆန်းပါတယ်)
မိမိပျော်ရွှင်နေခြင်းကို မထုတ်ဖော်ပြခြင်း
ကျေနပ်တတ်ကြခြင်း
သဘာဝပတ်ဝန်းကျင်ကို ချစ်မြတ်နိုးခြင်း
စကားကိုအတည်ပဲပြောတတ်ခြင်း
(နောက်ခြင်း၊ပြောင်ခြင်း မရှိပါဘူး)
- ဆွစ်တွေက မွေးရပ်မြေကို အရမ်းတန်ဖိုးထားပါတယ်၊
မိမိကဘယ်ဇာတိကပါလို့ ထုတ်ပြောပြီး
အမြဲကြွားဝါတတ်ကြတယ်။
လူချင်းတွေ့ရင် ဒီနိုင်ငံတွေလို ဘာလုပ်လဲ၊
လစာဘယ်လောက်ရလဲ ဆိုတာတွေထက်
ဘယ်ဇာတိလဲလို့ အရင်မေးကြပါတယ်။
အဓိကကတော့ ဆွစ်တွေရဲ့ အဓိကပျော်ရွှင်မှုဟာ
“ငြိမ်သက်စွာ ကျေနပ်နေခြင်း”လို့ပဲ ဆိုရမှာ ...။
တည်ငြိမ်နေတဲ့စိတ်ကလေးမှာပဲ ပျော်ရွှင်မှုဟာ ဖြစ်တည်နိုင်ပါတယ်။
စိတ်ပျော်နေတဲ့လူကအလုပ်ပိုလုပ်နိုင်တာမို့
အလုပ်လည်း ပိုကောင်းကောင်း လုပ်နိုင်ကြပါတယ်။
Switzerland က အပျော်ရွှင်ဆုံးနိုင်ငံတွေထဲမှာ
ထိပ်တန်းကနေ ရပ်တည်နိုင်တာဟာလည်း အဲ့ကလူတွေကြောင့် ၇၀%လောက်ဖြစ်မှာပါ။
ဒါပေမယ့် တကယ်က သူတို့ကပျော်နေကြတယ်ဆိုတာထက် တိတ်ဆိတ်စွာ ကျေနပ်နေကြတာပါ။
ကိုယ့်အသက်ကိုယ် အဆုံးစီရင်ခြင်းကို တရားဝင်
ခွင့်ပြုထားတဲ့ နိုင်ငံလည်းဖြစ်တယ်။
Switzerland က အမြဲတမ်းနေထိုင်ဖို့အတွက်ဆို
လူတော်တော်များများအတွက် ပျင်းစရာကောင်းပါ
လိမ့်မယ်တဲ့။
အထူးသဖြင့် ငြိမ်ငြိမ်မနေတတ်တဲ့လူတွေဆိုရင်ပေါ့။
ဆရာ ချမ်းမြေ့ဝင်း
#သုခမြေပုံစာအုပ်မှ
