MySPACE

1 y - Translate

ဒီပုံကိုမြင်တော့ ဆွေးဆွေးမြည့်မြည့်။ ကျွန်တော်တို့မျက်စိအောက်မှာပဲ သူလည်း အသက်အကြီးပိုင်း ရောက်လာခဲ့ပြီ။ ကယ်ဗင်ဒီဘရိုင်းနားဆိုတာ မုန်းတီးသူမရှိလောက်အောင် နည်းတဲ့ ဘောလုံးအနုပညာရှင်ဖြစ်တယ်။
ခါးသီးလှပါတယ်ဆိုတဲ့ မန်ယူပရိတ်သတ်တွေကိုယ်တိုင် လေးစားတဲ့ ကစားသမားတစ်ဦးဖြစ်တယ်။ ဒီဘရိုင်းနား ဘယ်လောက်ကောင်းလဲဆိုတာ ကျွန်တော်တို့စာဖွဲ့ဖို့ လိုက်မမှီပါဘူး။
ဆယ်စုနှစ်တွေချီပြီး သူလုပ်ပြခဲ့တဲ့အရာတွေကို ကြည့်ခွင့်ရတာခဲ့တာနဲ့တင် ပြည့်စုံလုံလောက်နေပြီ။ သူက ကျွန်တော်တို့ခေတ်ရဲ့ အကောင်းဆုံးကွင်းလယ်ကစားသမားပဲ။ ကလော့ပ်ပြောသလိုပေါ့။
“ဒီဘရိုင်းနား သွေးပူလေ့ကျင့်ခန်းစလုပ်လိုက်တာနဲ့ အင်္ဂလန်တစ်ပြည်လုံးသိမ့်သိမ့်တုန်သွားတယ်” တဲ့။ ဒီဘရိုင်းနားက မန်စီးတီးနဲ့အတူ အစစအရာရာ သိမ်းပိုက်ခဲ့တယ်။ အရှုံးတွေနဲ့ နှစ်ပေါင်းများစွာ တိုက်ပွဲဝင်ခဲ့ရတဲ့ ချန်ပီယံလိဂ်ဆုဖလားကိုလည်း ရယူနိုင်ခဲ့တယ်။
သူက သမိုင်းမှာ ပရီးမီးယားလိဂ်လေးကြိမ်ဆက်ရတဲ့ တစ်သင်းတည်းသော မန်စီးတီးကို ဦးဆောင်ခဲ့တယ်။ သူက အဂွဲရိုး၊ စတားလင်းတို့နဲ့ အလုပ်ဖြစ်ခဲ့သလို ဟာလန်း၊ ဖိုဒန်တို့နဲ့လည်း အေးဆေးပါပဲ။
မော်ရင်ဟိုလက်ထက် ချယ်ဆီးမှာ ကျရှုံးသူလေး ဒီဘရိုင်းနားက ပက်ဂွါဒီယိုလာလက်ထက် မန်စီးတီးမှာ ပရီးမီးယားလိဂ်ရဲ့ ဂန္ထဝင်တစ်ဦးဖြစ်လာခဲ့တယ်။
သူ့အနေနဲ့ မန်စီးတီးကိုမကြာခင်နှုတ်ဆက်တော့မှာ သိနေပါတယ်။ သိနေသည့်တိုင် အသားနီစုတ်စုတ်နဲ့ ရွှေရောင်ငွေရောင် သန်းနေတဲ့ ဆံပင်နဲ့ ဒီပုံရိပ်တွေကိုပြန်မြင်ယောင်တိုင်း ဆွေးမြည့်နေမှာတော့ အမှန်ပဲဖြစ်ပါတယ်။