ဗဟိုဘဏ်ငွေလဲနှုန်းဖြင့် အခွန်ပြန်စည်းကြပ်မည်
ပို့ကုန်သွင်းကုန်ပစ္စည်းတွေအပေါ် ဗဟိုဘဏ်ကနေ့စဉ်ထုတ်ပြန်တဲ့ ဈေးကွက်ငွေလဲနှုန်းကို အခြေခံတဲ့ အပတ်စဉ် နိုင်ငံခြားငွေလဲနှုန်းထားနဲ့ အခွန်စည်းကြပ်ကောက်ခံခဲ့ရာကနေ ဇန်နဝါရီလ ၂၅ရက်နေ့ကစပြီး ဗဟိုဘဏ်ရဲ့ရည်ညွှန်းငွေလဲနှုန်းကို အခြေခံတဲ့ အပတ်စဉ်နိုင်ငံခြားငွေလဲနှုန်းနဲ့ ပြန်လည်ပြောင်းလဲအခွန်စည်းကြပ်ကောက်ခံနေတယ်လို့ အကောက်ခွန်ဦးစီးဌာနက သိရပါတယ်။
ပြီးခဲ့တဲ့ ၂၀၂၄ခုနှစ် ဒီဇင်ဘာလကုန်အထိ ဗဟိုဘဏ်က နေ့စဉ်ထုတ်ပြန်တဲ့ ရည်ညွှန်းငွေလဲနှုန်း အမေရိကန် တစ်ဒေါ်လာ ၂၁၀၀ နဲ့ ပို့ကုန်သွင်းကုန်ပစ္စည်းတွေအပေါ် အခွန်စည်းကြပ်
ကောက်ခံနေရာကနေ ၂၀၂၅ခုနှစ် ဇန်နဝါရီလ ၁ရက်နေ့ကစပြီး ဈေးကွက်ငွေလဲနှုန်း အမေရိကန် တစ်ဒေါ်လာ ကျပ် ၃၅၀၀ ဝန်းကျင် နဲ့ပြောင်းလဲအခွန်စည်းကြပ်ကောက်ခံခဲ့တာပါ။
အခုအခါမှာတော့ ဗဟိုဘဏ်က နေ့စဉ်ထုတ်ပြန်တဲ့ ရည်ညွှန်းငွေလဲနှုန်းနဲ့သာ ပြန်လည်အခွန်စည်းကြပ်ကောက်ခံတော့မှာ ဖြစ်ပါတယ်။
လက်ရှိမှာ ပို့ကုန်သွင်းကုန်လုပ်ငန်းတွေအတွက် အခွန်အရပ်ရပ်စည်းကြပ်ကောက်ခံရာမှာ အသုံးပြုမယ့်ငွေလဲလှယ်နှုန်းတွေကို အကောက်ခွန်ဦးစီးဌာနက အပတ်စဉ်ထုတ်ပြန်ပေးနေပါတယ်။
ဇန်နဝါရီလ ၂၅ရက်နေ့ကနေ ဖေဖော်ဝါရီလ ၁ရက်နေ့အထိ အကောက်ခွန်ဦးစီးဌာနက ဖော်ပြထားတဲ့ ရည်ညွှန်းငွေလဲနှုန်းတွေကတော့ အမေရိကန်တစ်ဒေါ်လာကို ကျပ် ၂၁၀၀၊ တရုတ်တစ်ယွမ်ကို ၂၈၆ ဒသမ၄၂၄ ကျပ် ၊ထိုင်းတစ်ဘတ် ကို ၆၀ဒသမ၅၄၄ ကျပ်၊ တစ်ရူပီးကို ကျပ် ၂၄ဒသမ ၂၉၂ ကျပ် ဖြစ်ပါတယ်။
