နှစ်ထောင်ချီ အသုံးခံနိုင်တဲ့ ဘက်ထရီ။
ကဲ ဒီတခါတော့ နှစ်ထောင်ချီ အသုံးခံနိုင်တဲ့ ဘက်ထရီတခုအကြောင်း ရှာဖွေ တင်ပြလိုက်ပါတယ်။
ဟုတ်ပါတယ်။
ဒါကတော့နျူကလီးယားစွမ်းအင်နဲ့ ဘက်ထရီပါ။
သူတို့အဆိုအရ နှစ်ပေါင်း ၂၈၀၀၀ ခံပါတယ်တဲ့။
အားပြန်သွင်းစရာလဲမလိုပါတဲ့။ လူတို့ရဲ့အံ့ချီးဖွယ်ရာ တွေ့ရှိတီထွင်နိုင်မှုတခုပါ။
သူက နျူစွမ်းအင်ကို လျှပ်စစ်ဓါတ်အဖြစ် ပြောင်းလဲပေးပါတယ်။
ယနေ့ခေတ်အသုံးပြုနေကြတဲ့ဘက်ထရီတွေဟာ ပုံစံမျိုးစုံလှပါတယ်။ ရီမုကွန်ထရိုးကနေ ကားဘက်ထရီအထိပါ။
ဒီဘက်ထရီတွေဟာ သက်တမ်းကတိုပါတယ်။ မကြာခဏ အားကုန်သွားတတ်ပါတယ်။
ယခုပြောချင်တဲ့ နျူ ဘက်ထရီကတော့ ကယ်လီဖိုးနီးယားက ပညာရှင်များ အဆိုအရ နှစ် ၂၈၀၀၀ ကြာခံနိုင်ပါတယ်တဲ့။
စတင်သူကတော့ California က NDB ပါ။
ကောင်းပါပြီ။ ဒါဆိုဒီဘက်ထရီ ဘယ်လိုအလုပ်လုပ်သလဲကြည့်ရအောင်။
သူ့ကိုနျူဘက်ထရီ သို့မဟုတ် အက်တမ် actomic bettery လို့လဲ ခေါ်ပါတယ်။
နျူကလီးယားစွမ်းအင်မှ လျှပ်စစ်ထုတ်တာပါ။ ဒါပေမဲ့ နျူ ဓါတ်ပေါင်းဖိုလို chain reaction နဲ့စွမ်းအင်ကိုမထုတ်ဘဲ ပြိုကွဲနေတဲ့ရေဒီယို အိုင်ဆိုတုပ် ( radioactive isotope ) ကနေ စွမ်းအင်ထုတ်ယူပါတယ်။
သူ့ရဲ့အားသာချက်က ပြုပြင်မှု မလိုအပ်လောက်အောင်နည်းပါးပါတယ်။
သာမန်ဘက်ထရီလို အားသွင်းစရာလဲမလိုပါဘူး။
အနာဂတ် အာကာသခရီးစဉ်များအတွက် အလွန်အသုံးဝင်ပါတယ်။
ပေါ့ပါးပြီးရေဒီယေးရှင်း ဖြာထွက်မှုလဲမရှိပါ။ဒါကိုအာကာသခရီးတွေအတွက်ကြံဆနေခဲ့ကြတာ နှစ်အတော်ကြာခဲ့ပါပြီ။
အာကာသယာဉ်များလွှတ်တင်ခြင်း၊ ဂြိုလ်တွေပေါ်ဆင်းမဲ့ယာဉ် ( rover ) များမောင်းနှင်ခြင်တို့အတွက်ပါ။
စနေဂြိုလ် ( Saturn ) ကိုလွှတ်တင်တဲ့ Cassani mission မှာ ဒီဘက်ထရီကိုသုံးခဲ့ပြီးပါပြီတဲ့။
နာဆာ (NASA) ဟာ ဘက်ထရီရဲ့ ရေဒီယိုအိုင်ဆိုတုပ်နေရာမှာ ပလူတိုနီယမ် ( plutonium-238 ) ကို အသုံးပြုပါတယ်။
ပလူတိုနီယမ်ဟာ သက်တမ်းတဝက်တောင် ၈၈ နှစ်ခံပါတယ်။
သူဟာ အာကာသယာဉ်ကို လျှပ်စစ်ဓါတ်ပေးရုံတင်မက ယာဉ်ရဲ့ ကိရိယာ ( instruments ) များကို အာကာသရဲ့ပြင်းထန်တဲ့ အအေးဒါဏ်ကလဲ ကာကွယ်ဖို့အပူစွမ်းအင်ပါ ထုတ်ပေးပါတယ်။
တချို့ကိရိယာ( instruments ) များရဲ့အပူအအေးသတ်မှတ်ချက်ကကျဉ်းမြောင်းတဲ့အတွက် control လုပ်ဖို့လိုပါတယ်။
စတင်စဉ်က ပညာရှင်များဟာ အိုင်ဆိုတုပ်ကို reactor ခေါ်ဓါတ်ပေါင်းဖိုအသေးထဲမှာထဲ့သွင်းပါတယ်။
သူ့ရဲ့ core ခေါ် အူတိုင်ကို ဓါတုစိန် အမျှင်များ အထပ်ထပ်ပါတ်ထားပါတယ်။
စိန်ဟာ မာကျောမှုအကောင်ဆုံးပါ။ ဖြာထွက်လာတဲ့စွမ်းအင်ကို စိန်မျှင်များက စုပ်ယူပြီး လျှပ်စစ်စွမ်းအင်အဖြစ်ပြန်လည်ထုတ်လွှတ်ပေးပါတယ်။
အခုတော့ အာကာသယာဉ်သာမကပဲ အခြားနေရာအမျိုးမျိုးအတွက်ဒီဘက်ထရီကိုသုံးဖို့ ကြိုးစားနေပါပြီ။
smart phone(စမတ်ဖုန်း) များမှာ သုံးနိုင်တဲ့အရွယ်အစား အထိပေါ့။
ကုမ္ပဏီရဲ့အဆိုအရ နာနိုနည်းပညာနဲ့ nano diamond battery ကိုထုတ်လုပ်မှာဖြစ်ပြီး သဘာဝပါတ်ဝန်းကျင်ထိခိုက်မှုအလွန်နဲပါးပါတယ်တဲ့။
တလုံးသုံးယုံနဲ့ နှစ်ထောင်သောင်းချီပြီးသုံးနိုင်တာမို့ စွန်ပစ်မှုပမာဏ နဲသွားမှာပါ။
တဖက်ကကောင်းကွက်ရှိသလို တဖက်ကကြည့်ရင်လဲ အန္တရာယ်ရှိပါတယ်။သူဟာအခန့်မသင့်ရင်ရေဒီယိုသတ္တိကြွမှုဖြစ်နိုင်ပါတယ်။
ပညာရှင်များကတော့ ဒီဘက်ထရီအားကုန်ခဲ့ရင် နျူစွန့်ပစ်ပစ္စည်းဖြစ်လာပြီး စနစ်တကျ မစွန့်ပစ်နိုင်ခဲ့ရင် ရေဒီယိုသတ္တိကြွမှုတွေက လူသားတွေကိုဒုက္ခပေးနိုင်ပါတယ်တဲ့။
