ပုဂံမှာ ဆာကူရာတွေမဝေနိုင်သလို
မဖြစ်နိုင်တဲ့ ဆုံတွေ့မှုတွေလည်းရှိပါတယ် နန်းစံ
- လွန်းရာကျော်
ယောင်္ကျားလေးဆိုတာ လူတိုင်းကို
သနပ်ခါးသွေးမပေးဘူး နန်းစံ ၊
ယောင်္ကျားလေးတစ်ယောက်က
သနပ်ခါးသွေးပေးတဲ့ လူသုံးမျိုးရှိတယ် ၊
အဲ့ဒါက.. ကလေးရယ် .. အမေရယ်...မိန်းမရယ်..
- လွန်းရာကျော်
နောက်ဆုံးမှာ အရိုးပြိုင်းပြိုင်း ကျန်ခဲ့ရင်တောင်မှ
ပွင့်နိုင်တဲ့အချိန်တိုလေးအတွင်းမှာ
အစွမ်းကုန် အလှဆုံးဖြစ်အောင် ပွင့်ပေးခဲ့တဲ့
ဆာကူရာလိုစိတ်မျိုးနဲ့ လူတစ်ယောက်ကို ချစ်ဖူးချင်တယ်
- ဟာနကို (ခင်နန်းစံ)
ခရီးတွေလည်း မသွားဖြစ်တော့တဲ့ ခုလိုနေ့ရက်တွေမှာ ဒီစာအုပ်လေးဖတ်ပြီး အချိန်တိုင်းမှာ လှနေတတ်တဲ့ ပုဂံမြို့ကြီးကို လွမ်းမိတယ်။ပြီးတော့ လွန်းရာကျော် နဲ့ ဟာနကို သူတို့နှစ်ယောက်ကိုလည်း သတိရမိတယ်။
တကယ်လို့သာ ဒီဇာတ်လမ်းက တကယ့်အဖြစ်အပျက်သာဆို သူတို့နှစ်ယောက် ဘယ်အချိန်ထိ သတိရနေကြမလဲ ။ ပြန်ရောဆုံဖြစ်ကြပါတော့မလား ။
မင်မင်ကတော့ Movie ကို အရင်ကြည့်ဖြစ်ခဲ့တာပါ။ Movie မှာတည်းက သိပ်ကိုသဘောကျနေမိခဲ့တာ။ဒါနဲ့ပဲ စာအုပ်လေးမြင်တော့ ထပ်ဖတ်ဖြစ်ခဲ့ပါတယ်။
စာအုပ် နဲ့ Movie ဘာကွာလဲဆိုတော့ စာအုပ်လေးကသေချာပိုပြီးအသေးစိတ်ပါတယ် ။ နောက်ပိုင်းထွက်သွားပုံလေးကလည်း နည်းနည်းလေး ပိုပြီး အသေးစိတ်တာပေါ့နော် ။ Movieကြည့်ပြီးမှဖတ်တော့ အားလုံးကို ပုံဖော်ပြီးဖတ်သွားလို့ရပါတယ်။
ပုဂံကိုလည်း ချစ်တယ် ဆာကူရာကိုလည်း ချစ်တဲ့ ကိုယ့်အတွက်တော့ ဒီစာအုပ်လေးက အရမ်းကိုစွဲလန်းစေပါတယ်။
ပုဂံမြို့ကြီး နဲ့ ဆာကူရာပန်းလေး ဟာ ဘယ်လိုမှမဆုံစည်းနိုင်မှန်းသိပေမယ့် ဒီစာအုပ်လေးဖတ်ပြီးတဲ့အခါမှာတော့
ပုဂံမြို့ကြီးမှာ ဆာကူရာတွေဝေနေအောင် ပွင့်နေစေချင်တော့တာပါပဲ။
#မကြွေပါနဲ့ဆာကူရာ #ပုညခင် #ကဗျာ_poem
