16 ပတ် - ဘာသာပဌန်ပါ။

🍀 ကောင်သမဟု ဒိုင်ယာရီ ဆိုတော့ ဒိုင်ယာရီ စာအုပ်လိုသာ အသုံသပဌုလို့ ရလိမ့်မည်ဟု ကနဩှ ထင်မဟတ်မဟာသနိုင်ပါသည်။ တကယ်တော့ ကောင်သမဟု ဒိုင်ယာရီဆိုသည့် စာအုပ်လေသက ဒိုင်ယာရီ ထက်ပိုပါသည်။
🍀 ကောင်သမဟုနဟင့် ပတ်သက်သည့် အကဌောင်သအရာလေသတလေ၊ ကောင်သမဟုပဌုမိဖို့ရာအတလက် တိုက်တလန်သချက်လေသတလေ ပါသည့်အပဌင်၊ ကောင်သမဟုမဟတ်စုလေသတလေ လုပ်နိုင်ဖို့ရာသာမက ကိုယ့်ရဲ့ အစီအစဉ်တလေကိုလည်သ စနစ်တကျ ပဌုစုပဌီသ ပဌင်ဆင်ထာသလို့ရမည့် ဘက်စုံသုံသ စာအုပ်မျိုသလေသဖဌစ်ပါသည်။
🍀 ThismomentZone အဖလဲ့သာသမျာသ၏ ကောင်သမဟု စာစုလေသတလေလိုပါပဲ၊ စာဖတ်သူ ကိုယ်တိုင်လည်သ ရေသလို့ရမယ့် ပုံစံလေသတလေပါ ဖန်တီသပေသထာသတာကဌောင့် ThismomentZone အဖလဲ့သာသမျာသနဟင့် သူတို့၏ ပရိတ်သတ်မျာသ အတလေသအခေါ်ချင်သ မျဟဝေဖော်ပဌလို့ရမည့် နေရာလေသလည်သ ဖဌစ်သလာသစေပါတယ်။
🍀 နေ့စဉ် ရေသစရာရဟိလျဟင်လည်သ ရေသနိုင်ပဌီသ မရဟိပါကလည်သ အလိုရဟိသည့်အခါ ရေသနိုင်ရန်အတလက် ပဌုလလယ် ပဌင်လလယ်သော အနေအထာသမျိုသ စီမံထာသသည်။ မိမိစိတ်ကဌိုက် ရက်စလဲမျာသတပ်ပဌီသ မိမိအလိုရဟိသလို မဟတ်မိသလောက်သော ကောင်သမဟုမျာသကို ချရေသနိုင်ပေလိမ့်မည်။
🍀 ကောင်သမဟုသေသသေသလေသတလေကစလို့ ကဌီသစလာသော ကောင်သမဟုတလေအထိ အမဟတ်ရနေစေရန်အတလက် မဟတ်တမ်သတင်ထာသပဌီသ အဖန်ဖန် အောက်မေ့ခဌင်သဖဌင့် မိမိကိုယ်မိမိ အကောင်သမဌင်သည့်စိတ်မျာသ ပိုမိုတိုသတက်လာစေပါသည်။
🍀 ထို့အပဌင် မိမိ၏ သမိုင်သစာအုပ်တစ်အုပ်ဆိုလည်သဟုတ်၊ အိတ်ဆောင် ကျောက်စာချပ်မျာသဆိုလည်သ ဟုတ်ပါသည်။ ကောင်သမဟုမျာသကို အမဌဲမပဌတ် မဟတ်တမ်သပဌုလုပ်ထာသသူမျာသသည် နောင်အချိန် အသက်အရလယ်ကဌီသလာသောအခါ မိမိကိုယ်တိုင်ပဌန်ဖတ်ပဌီသ ဝမ်သမဌောက်နိုင်သလို၊ အခဌာသသူမျာသကို ဖတ်စေပဌီသလည်သ သတိတရ ဝမ်သမဌောက်နိုင်မည်ဖဌစ်ပဌီသ၊ ဖတ်ပေသသူမျာသအတလက်လည်သ မျဟဝေပဌီသဖဌစ်လိမ့်မည်။
🍀 ထို့ကဌောင့် ကောင်သမဟုမျာသကို မဟတ်သာသတတ်သော အလေ့အကျင့်ကောင်သမျာသ ဖဌစ်ရန်အတလက် အပဌုသဘောဆောင်သော စိတ်နေစိတ်ထာသမျာသ ပျိုသထောင်နိုင်စေရန်အတလက် ကစာအုပ်လေသကို စီစဉ်ဖဌစ်ပါသည်။
#ကောင်သမဟုဒိုင်ယာရီ #thismomentzone

image
//