သူငယ်ချင်းတစ်ယောက်ပြောဖူးတာ သတိရတယ် .. သူက government project အကြီးကြီးတစ်ခုအတွက် project manager အနေနဲ့ လုပ်ရတာ .. နေ့မနား ညမနားပေါ့ .. အဲဒီအချိန်က သူအသည်းကွဲနေတဲ့အချိန်လည်းဖြစ်တော့ အလုပ်ကိုပိုဖိလုပ်တာ ကြောင့်လည်းပါမယ် .. အစားမမှန် အအိပ်မမှန်နဲ့ ..
တစ်ရက်သူမိုးမိပြီးဖျားတယ် .. ဆေးရုံတင်ရတယ် .. မိသားစုက အဝေးမှာဆိုတော့ .. သူ့နားမှာဘယ်သူမှမရှိဘူး .. အဲဒီအချိန်မှာ သူ့ရုံးကဖုန်းဆက်လာတယ် .. နေကောင်းလား သက်သာလား တစ်ချက်မမေးဘူး .. အလုပ်နဲ့ပတ်သတ်တဲ့ စာရွက်စာတမ်းတွေ ဘယ်နားထားလဲ လှမ်းမေးတာတဲ့ .. အဲဒီမှာ သူနားလည်လိုက်တယ် .. သူ့အလုပ်က သူ့ကိုအလေးထားတာမဟုတ်ဘူး .. သူလုပ်နေတဲ့ အလုပ်တွေကိုပဲ အလေးထားတာတဲ့ ..
မတွေ့တာကြာတဲ့ လုပ်ဖော်ကိုင်ဖက် ဟောင်းတစ်ယောက်နဲ့ တလောကဆုံတယ် .. အရင် company ကထွက်လိုက်ပြီလို့ ကြားတော့ အံ့ဩသွားတယ် .. သူက အဲဒီ company ကို သူ့ကိုယ်ပိုင်အလုပ်လိုပဲ အရမ်းတန်ဖိုးထားတာ .. company စထောင်တည်းက လုပ်ခဲ့တဲ့ ဝန်ထမ်းဆိုတော့လည်း သံယောဇဉ်ရှိတာပေါ့ .. ဘာဖြစ်လို့လဲ မေးကြည့်တော့ .. ကိုဗစ်ကာလမှာ သူ့အဖေအသည်းအသန်ဖြစ်လို့ ဆေးရုံတင်ရတယ် .. ခွင့်ရက်ရှည်ယူမိတယ် .. နောက်ဆုံး အဖေလည်းဆုံးသွားတာကို ရုံးပြန်တက်တော့ သူ့နေရာကို တခြားလူ အစားထိုးပြီး သူ့ကိုရာထူးချလိုက်လို့တဲ့ .. နှစ်ရှည်လများ အနစ်နာခံ အဆူအဆဲခံပြီး သူလုပ်ခဲ့တာတွေက ရေမှာအရုပ်ရေးသလိုပဲ အရာမထင်ခဲ့ဘူး ..
မြန်မာမှာ ပြည်တွင်းစစ်တွေဖြစ်နေပြီဆိုတဲ့ သတင်းကြားတော့ .. ကိုယ် remote လုပ်နေတဲ့ စင်္ကာပူ company က သူဌေးက လှမ်းမေးတယ် အဆင်ပြေလားတဲ့ .. အစက ကိုယ့်ကို စိတ်ပူလို့မေးတယ်ထင်တာ .. တကယ်တမ်းကျတော့ သူက internet တွေ မီးတွေပြတ်ရင် project အချိန်မီ မပြီးမှာစိုးလို့မေးတာ ..
အဲဒီကတည်းက နားလည်လိုက်တာ .. သူများအလုပ်ဆိုတာ အရမ်းကြီး စိတ်နှစ်လုပ်လို့ ကောင်းတဲ့အရာမဟုတ်ဘူး .. တာဝန်ကျေအောင်တော့လုပ် .. ဒါပေမဲ့ အရမ်းကြီး မမျှော်လင့်နဲ့ .. တချို့အရာတွေက သူတို့ပေးမှရနိုင်တာ .. ငွေရေးကြေးရေးမှမဟုတ်ဘူး တခြား အသိအမှတ်ပြုမှုတွေကောပဲ ..
Work Life Balance ကို တန်ဖိုးထား .. မိသားစုနဲ့ ချစ်ရတဲ့ သူတွေကိုအချိန်ပေး .. ကိုယ့်ကိုကိုယ်တွက်အချိန်ပေး .. ဝါသနာပါတာတွေလုပ် .. တကယ်တမ်း နောက်ဆုံးထွက်သက်အထိ ကိုယ့်ဆီမှာ ကျန်ခဲ့မှာ ဒါတွေပဲ .. အဲဒါကြောင့်ပြောကြတာ ..
work to live .. instead of live to work တဲ့
(True stories တွေပါနော် စိတ်ကူးယဉ်ပြီးရေးထားတာ တစ်ခုမှမပါ )
Credit to Emma Wayk