ပြန်အဖက်ဆယ်လို့လဲ မရတော့ဘူး
ပြန်ဆက်သွယ်လို့လဲ မရတော့ဘူး
ဒီလိုနဲ့ ဝေးသွားရတဲ့ အကြောင်းအရာတွေထဲမှာ
သူနဲ့ကိုယ် အဆုံးသတ်ဖြစ်သွားရမဲ့ ဘဝနှစ်ကို
ရည်ရွယ်ခဲ့တာဆိုရင်
ဟန်ဆောင်ချစ်ခဲ့တဲ့ ချစ်ခြင်းတစ်ခုကိုတော့
သူရောကိုယ်ရော လွယ်လွယ်နဲ့ဖြစ်ခဲ့ကြတာမဟုတ်ဖူး
သူ့ဘက်က ယုံကြည်မှုတွေ နားလည်မှုတွေ
လွဲသွားတဲ့အခါ
ကိုယ့်ဘက်က ဝေးကွာခြင်းနဲ့
အစပျိုးပေးလိုက်ရတယ်
ကောက်ချက်လွဲပြီး ဝေးရတဲ့ဘဝနှစ်ခုမှာ
ဘယ်သူက ပိုပြီး ရင်တွေကွဲခဲ့ရသလဲ
ဘယ်သူက ပိုပြီး ပြိုလဲပေးလိုက်ရသလဲ
ဘယ်သူက ပိုပြီး မျက်ရည်တွေကြပေးလိုက်ရသလဲ
ကိုယ့်မှာတော့နားလည်မှုတွေ ပေးနိုင်မယ်အထင်နဲ့
ဘဝတစ်ခုစာ ရွေးချယ်ခဲ့ပြီးမှ
နားလည်မှုများစွာနဲ့ စွန့်လွှတ်ပေးခဲ့ရတယ်
ရင်တွေကွဲခဲ့တယ်ဆိုတာကိုလဲ
ထည့်မတွက်မိတော့ပါဘူး
ကိုယ့်မှာ ဆုံးရှုံးမှုတွေမှာလဲ နားလည်မှုအပြည့်နဲ့
ကိုယ့်မှာ ဝေးခဲ့တယ်ဆိုလဲ နားလည်မှုအပြည့်နဲ့
ထားခဲ့တဲ့သစ္စာတရားဟာ လှောင်ရယ်သံနဲ့
လှည့်ထွက်သွားတော့
ပြည့်ပြည့်ဝဝပေးခဲ့ဖူးတဲ့ နားလည်မှုတွေပါ မကျန်
ကိုယ့်ဘက်က ဒီတစ်ခါ လှည့်ထွက်သွားခြင်းတွေဟာ
ဘဝနှစ်ခုကို သေချာပေါက် နားလည်မှုအပြည့်နဲ့အဆုံးသက်လိုက်ပါပြီ
သူ့ဘဝလေး ကိုယ်ထင်တာထပ်ပို၍ အေးချမ်းပါစေ,,
နေခ/စာတိုက်ပုံး
