၂၀၂၅ ခုနှစ် ပညာသင်နှစ်မှစ၍ တိုင်းရင်းဆေးတက္ကသိုလ်တွင် ပါရဂူသင်တန်းများဖွင့်လှစ်မည်

မြန်မာ့တိုင်းရင်းဆေးပညာရှင်များအား ပါရဂူဘွဲ့ပေးအပ်နိုင်ရေးအတွက် ၂၀၂၅ ခုနှစ် ပညာသင်နှစ်မှစ၍ တိုင်းရင်းဆေးတက္ကသိုလ်တွင် ပါရဂူသင်တန်းများဖွင့်လှစ်သွားမည်ဟု နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းက ပြောသည်။

၎င်းမှ ယမန်နေ့ နိုဝင်ဘာ ၂၂ ရက်နံနက်ပိုင်းက နေပြည်တော်၌ကျင်းပသည့် (၂၃)ကြိမ်မြောက် မြန်မာ့တိုင်းရင်းဆေးသမားတော်များညီလာခံနှင့် မြန်မာ့တိုင်းရင်းဆေးပညာနှီးနှောဖလှယ်ပွဲ ဖွင့်ပွဲအခမ်းအနားတွင် ပြောကြားခဲ့ခြင်းဖြစ်သည်။

နိုင်ငံတော်မှ တိုင်းရင်းဆေးပညာကဏ္ဍကိုမြှင့်တင်ပေးလျက်ရှိပြီး ၂၀၀၁ ခုနှစ်၌ မန္တလေးမြို့တွင် တိုင်းရင်းဆေးတက္ကသိုလ်ဖွင့်လှစ်ကာ မျိုး ဆက်သစ်များကို မြန်မာ့တိုင်းရင်းဆေးပညာဘွဲ့၊ မြန်မာ့တိုင်းရင်းဆေးပညာမဟာဘွဲ့များ အပ်နှင်းနိုင်ခဲ့သည်ဟု ပြောသည်။

" အခုအခါမှာ တိုင်းရင်းဆေးတက္ကသိုလ်က မြန်မာ့တိုင်းရင်းဆေးပညာရှင်တွေကို ဒီပလိုမာအ ဆင့်၊ ဘွဲ့ရအဆင့်ကနေ တိုင်းရင်းဆေးပညာမ ဟာဘွဲ့အဆင့်အထိ လေ့ကျင့်မွေးထုတ်ပေးနေပြီဖြစ်သလို နိုင်ငံတော်အစိုးရရဲ့ ချီးမြှောက်ပံ့ပိုးမှုနဲ့ မြန်မာ့တိုင်းရင်းဆေးပညာ ပါရဂူဘွဲ့အထိ ပေးအပ်နိုင်ဖို့ ၂၀၂၅ ခုနှစ် ပညာသင်နှစ်ကစပြီး ပါရဂူသင်တန်းတွေ ဖွင့်လှစ်ပေးသွားမှာပါ"ဟု နစက ဒု-ဥက္ကဋ္ဌကပြောသည်။

ထို့ပြင် နိုင်ငံတော်အနေဖြင့် တစ်မျိုးသားလုံး သက်ရှည်ကျန်းမာရန် ကျန်းမာရေးကဏ္ဍတစ်ရပ်လုံးဖွံ့ဖြိုးတိုးတက်ရေးဆောင်ရွက်ရာ၌ တိုင်းရင်းသားပြည်သူများ၏ ကျန်းမာရေးအဆင့်အတန်းတိုးတက်မြင့်မားရေးအတွက် စဉ်ဆက်မပြတ်အားပေးဆောင်ရွက်လျက်ရှိ၍ မျိုးဆက်သစ်တိုင်းရင်းဆေးပညာရှင်များမှ အနာဂတ်မြန်မာ့တိုင်းရင်းဆေးပညာရပ်ပိုမိုဖွံ့ဖြိုးတိုးတက်လာစေရန် ခေတ်နှင့်အညီ ဆက်လက်ကြိုးပမ်းအားထုတ်ဆောင်ရွက်ရမည်ဟု တိုက်တွန်းပြောကြားခဲ့သည်။

လက်ရှိအချိန်တွင် မြန်မာတစ်နိုင်ငံလုံးအနေဖြင့် ခုတင်(၁၀၀)ဆံ့ တိုင်းရင်းဆေးရုံ(၃)ရုံ၊ ခုတင် (၅၀)ဆံ့ တိုင်းရင်းဆေးရုံ(၉)ရုံ၊ (၂၅)ခုတင်ဆံ့ တိုင်းရင်းဆေးရုံ(၁၃)ရုံနှင့် (၁၆)ခုတင်ဆံ့ တိုင်းရင်းဆေးရုံ(၂၄)ရုံ၊ ခရိုင်တိုင်းရင်းဆေးခန်း(၅၀)၊ မြို့နယ်တိုင်းရင်းဆေးခန်း(၂၁၀)ဖွင့်လှစ်၍ မြန်မာ့တိုင်းရင်းဆေးစွမ်းကောင်းများဖြင့် ပြည်သူများ၏ ကျန်းမာရေးကဏ္ဍကိုမြှင့်တင်စောင့်ရှောက်ပေးလျက်ရှိသည်ဟု ပြောသည်။

ထို့ပြင် မြန်မာ့တိုင်းရင်းဆေးပညာခေတ်မီဖွံ့ဖြိုးတိုးတက်စေရန် ကမ္ဘာ့နိုင်ငံများ၏ တိုင်းရင်းဆေးဆိုင်ရာကဏ္ဍများနှင့်လည်း ယခုထက် ပိုမိုချိတ်ဆက်၍ လေ့လာပူးပေါင်းဆောင်ရွက်ကြရမည်ဖြစ်ကာ ရှန်ဟိုင်းပူးပေါင်းဆောင်ရွက်ရေးအ ဖွဲ့၊ အာဆီယံ၊ ဘင်း(မ်)စတက်၊ မဲခေါင်အစရှိသော နိုင်ငံတကာအဖွဲ့အစည်းများနှင့် တိုင်းရင်းဆေးပညာကဏ္ဍများတွင်အတူလိုက်ပါပူးပေါင်းဆောင်ရွက်ရမည်ဟု နစက ဒု-ဥက္ကဋ္ဌကမှာကြားခဲ့သည်။

နှစ်လယ် မြန်မာ့ကျောက်မျက် ရတနာပြပွဲ ပဉ္စမနေ့တွင် ကျောက်စိမ်းအတွဲပေါင်း (၆၁၃) တွဲ ရောင်းချနိုင်ခဲ့

၂၀၂၄ ခုနှစ် နှစ်လယ်မြန်မာ့ကျောက်မျက်ရတနာပြပွဲ ပဉ္စမနေ့တွင် ကျောက်စိမ်းအတွဲပေါင်း (၆၁၃) တွဲ ရောင်းချနိုင်ခဲ့ကြောင်း သတင်းထုတ်ပြန်ချက်အရ သိရသည်။

ပြည်တွင်း၊ ပြည်ပရတနာကုန်သည်များသည် မဏိရတနာကျောက်စိမ်းခန်းမအတွင်းနှင့် ခန်းမအပြင်ဘက် သတ်မှတ်နေရာများအလိုက် ခင်းကျင်းပြသထားသည့် ကျောက်စိမ်းအတွဲများကို စိတ်ကြိုက်လေ့လာကြည့်ရှု့ခဲ့ကြကြောင်း သိရသည်။

ပြပွဲတွင် ကျောက်စိမ်းအတွဲအမှတ် (၁)မှ (၈၅၀) အထိ ကျောက်စိမ်းအတွဲများကို ပြည်တွင်း၊ ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် ရောင်းချပေးခဲ့ပြီး ကျောက်စိမ်းအတွဲပေါင်း (၆၁၃) တွဲ ရောင်းချခဲ့ရကြောင်း ထုတ်ပြန် ကြေညာခဲ့သည်။

ထို့ပြင် ပြပွဲ ဆဋ္ဌမနေ့တွင် ရောင်းချမည့် ကျောက်စိမ်းအတွဲ အမှတ် (၈၅၁) မှ (၁၇၀၀) ထိကို ပြည်တွင်း၊ ပြည်ပရတနာကုန်သည်များက ကြည့်ရှုစစ်ဆေးကြပြီးဈေးနှုန်း ပေးသွင်းလွှာများကို သက်ဆိုင်ရာ တင်ဒါပုံးများအတွင်းသို့ ထည့်သွင်းခဲ့ကြကြောင်း သိရသည်။

ထို့ပြင် ပြပွဲ ပဉ္စမနေ့ဖြစ်သည့် နိုဝင်ဘာ (၂၂) ရက်အထိ ပြပွဲတွင် ပုလဲအတွဲပေါင်း (၂၀၈) တွဲ၊ ကျောက်မျက် အတွဲပေါင်း (၆၂) တွဲ၊ ကျောက်စိမ်းအတွဲ (၆၁၃) တွဲကို ပြည်တွင်း၊ ပြည်ပ ရတနာကုန်သည်များအား ရောင်းချပေးနိုင်ခဲ့ကြောင်း သိရသည်။

“ကျနော့် ကစားသမားတွေကို ခင်ဗျားတို့ အများကြီး မယုံကြည်တာ ကျနော် သိပြီးသားပါ။ ဒါပေမယ့် ကျနော်ကတော့ သူတို့ကို အရမ်းယုံကြည်ပါတယ်။ ကျနော်တို့ တိုးတက်နိုင်သေးတယ်၊ အသစ်အသစ်သောအရာတွေကို ကြိုးစားချင်ပါသေးတယ်”

“ခင်ဗျားတို့က မဖြစ်နိုင်ဘူးလို့ ထင်နေတဲ့အရာတွေကို ကျနော်က ဖြစ်နိုင်တယ် ထင်ပါတယ်” လို့ ယူနိုက်တက်နည်းပြသစ် အမော်ရင်က ပြောကြားခဲ့ပါတယ်။

အစ်ဆွစ်ချ်နဲ့ ကစားရမယ့်ပွဲအတွက် ပွဲကြို သတင်းစာရှင်းလင်းပွဲမှာ အမော်ရင်က အခုလိုမျိုး ပြောကြားခဲ့တာပါ။ ပထမဆုံးပွဲ မကိုင်ခင်ကတည်းက တော်ကီတွေနဲ့ ဆက်တိုက်ချုပ်လာတဲ့ အမော်ရင်ရဲ့အသင်း အစ်ဆွစ်ချ်နဲ့ပွဲမှာ ဘယ်လိုနေမလဲဆိုတာကလည်း တော်တော် စိတ်ဝင်စားဖို့ကောင်းနေပါပြီ။

ကြိုက်တဲ့ချိန် ထွက် သွား ဆွဲ မထားဘူး"3

#ပုစွန်ပင်စိမ်းအစပ်ကြော်
........................................
ပုစွန်ကွေးလေးတွေကို ခေါင်းဖြုတ်၊ အခွံချွတ်၊
ချေးကြောင်းဆွဲထုတ်၍ သန့်စင်ထားပါ။
ကြက်သွန်နီ ၂လုံး၊
ငရုတ်သီးစိမ်း ၂တောင့်၊
ပဲတောင့်ရှည်သီး၂တောင့်တို့ကို လှီးထားပါ။
ကြက်သွန်ဖြူ. ၃မွှာ နှုတ်နှုတ်စင်းထားပါ။
ပင်စိမ်းရွက်အနည်းငယ် ရေဆေးထားပါ။
ကြက်သွန်နီ၊ ဖြူ တို့ကို ဆီအရင်သတ်ပါ။
ငရုတ်သီးစိမ်း၊ ပဲသီးတို့ထည့်ကြော်၊
ကျက်ခါနီး ပုစွန်ထည့်၊
ငါးငံပြာရည်တဇွန်း၊
သကြား၊ဟင်းခတ်မှုန့်အနည်းငယ်စီနှင့်
ငရုတ်ချဉ်ဆော့ တဇွန်းထည့်မွှေ၊
ချခါနီးကော်မှုန့်ကို ရေနည်းနည်းဖြင့်ဖျော်၍ ထည့်၊
ပင်စိမ်းရွက်လေးအုပ်ပေးပါ။

ထိုင်းနိုင်ငံတွင် ဂိုဏ်းဖွဲ့သောင်းကျန်းနေသော မြန်မာနိုင်ငံသားလူငယ်အဖွဲ့ကို အမြန်ဖမ်းဆီးရန် ထိုင်းရဲချုပ် အမိန့်ထုတ်

နိုဝင်ဘာ ၂၃

ထိုင်းနိုင်ငံတွင် ဂိုဏ်းဖွဲ့သောင်းကျန်းနေသော မြန်မာနိုင်ငံသားလူငယ်အဖွဲ့ကို အမြန်ဖမ်းဆီးရန် ထိုင်းဘုရင့်ရဲများ ကော်မရှင်နာ ရဲချုပ် Kittirat Panphet က နိုဝင်ဘာလ ၂၂ ရက်တွင် အမိန့်ထုတ်လိုက်သည်။

အဆိုပါ ဂိုဏ်းဖွဲ့သောင်းကျန်းနေသော နိုင်ငံခြားသား (မြန်မာလူငယ်များ)၏ ဗီဒီယိုဖိုင်မှာ လူမှုကွန်ရက်ပေါ်တွင် ပျံ့နှံ့နေခြင်းဖြစ်ပြီး ယင်းအပြုအမူများမှာ နိုင်ငံခြားသားတစ်စု၏ ထိုင်းနိုင်ငံဥပဒေများကို ဖီဆန်ရန် ဂိုဏ်းဖွဲ့ထားသည့် ပုံဖြစ်နေသည့် ဟန်တူအပြုအမူကို တွေ့ရှိသောကြောင့် ထိုင်းဘုရင့်ရဲတပ်ဖွဲ့ (ရဲမှူးချုပ်) ရဲချုပ် Kittirat Panphet က ဗဟိုအစည်းအဝေးခေါ်၍အထက်ပါအတိုင်း အမိန့်ထုတ်ပြန်လိုက်ခြင်း ဖြစ်သည်။

လူမှုကွန်ရက်တွင် ယင်းအဖွဲ့၏ ရုပ်သံကို ဖော်ပြထားရာ၌ “ဆုံခဲ့ 037” ဟု ရေးသားထားပြီး အများစုမှာ စတစ်ကာပါ အနက်ရောင်အင်္ကျီများကို တူညီဝတ်ဆင်ထားကြသည်ကိုတွေ့ရသည်။

ယင်းအဖွဲ့မှာ မြန်မာနိုင်ငံ ကရင်တိုင်းရင်းသားလူငယ်များဦးဆောင်မှုဖြင့် ဖွဲ့စည်းထားသော အဖွဲ့အစည်းတစ်ခုဖြစ်ကြောင်း၊ ယင်းအဖွဲ့က အဖွဲ့ သွားလာလှုပ်ရှားနေသည့် Video ဖိုင်များကို လူမှုကွန်ရက်တွင် တင်ထားကြကြောင်းလည်း သိရသည်။

Video ဖိုင်များကို မြင်တွေ့ရသည့် ထိုင်းနိုင်ငံသားများကလည်း အဆိုပါဖိုင်ကို ကန့်ကွက်ရှုတ်ချနေကြကြောင်းလည်း ထိုင်းဒေသတွင်း သတင်းများက ဆိုသည်။

Video ဖိုင်ကိုစစ်ဆေးကြည့်ရှု၍ တွေ့မြင်ရသည့်အပေါ် နိုင်ငံရပ်ခြားမှ လူတစ်စု၏အပြုအမူသည် နိုင်ငံ၏ ဥပဒေများကို စိန်ခေါ်ရန်ဂိုဏ်းတစ်ခုအဖြစ် ပေါ်ပေါက်လာခြင်းဖြစ်ကြောင်း၊ သက်ဆိုင်ရာနယ်မြေအသီးသီးရှိ တာဝန်ရှိသူများအနေဖြင့် အဆိုပါနိုင်ငံခြားသား(မြန်မာလူငယ်များ)ဂိုဏ်းအဖွဲ့ကို အကြောင်းအမျိုးမျိုးဖြင့် အကာအကွယ်ပေးထားကြောင်း စစ်ဆေးတွေ့ရှိရပါကလည်း ဥပဒေအရ ပြင်းထန်စွာအရေးယူမည်ဖြစ်ကြောင်း ထိုင်းရဲချုပ်က ပြတ်ပြတ်သားသား ပြောဆိုထား သည်။

ယခုအခါ Video ရိုက်ကူး၍ ထုတ်လွှင့်ခဲ့သည့် နေရာများကို စစ်ဆေးမှုများပြုလုပ်၍ ပါဝင်သူများအားလုံးကို ဖမ်းဆီးအရေးယူနိုင်ရန်အတွက် ဒုရဲမှူးကို တာဝန်ပေးထားပြီး ထိုင်းရဲတပ်ဖွဲ့က စုံစမ်းစစ်ဆေးမှုများပြုလုပ်နေပြီဖြစ်ကြောင်း သိရသည်။

#centralnewsnaypyitaw

ယနေ့ ရွှေဈေးနဲ့ နိုင်ငံခြားငွေလဲနှုန်းများ

နိုဝင်ဘာ ၂၃ ရက်

#ရွှေဈေး

-ကမ္ဘာ့ရွှေဈေး
တအောင်စ ၂၇၁၅ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၄၁၂၀၈၁ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၃၀၀၀၀၀ ကျပ်
ဝယ်ဈေး ၆၂၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၆၁၀၀၀၀၀ ကျပ်
ဝယ်ဈေး ၆၀၆၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၀၀ ကျပ်
ဝယ်ဈေး - ၄၄၀၀ ကျပ်

-စင်္ကာပူဒေါ်လာ
ရောင်းဈေး - ၃၃၇၀ ကျပ်
ဝယ်ဈေး - ၃၃၀၀ ကျပ်

-ယူရို
ရောင်းဈေး - ၄၆၉၀ ကျပ်
ဝယ်ဈေး - ၄၅၇၀ ကျပ်

-ထိုင်းဘတ်
ရောင်းဈေး - ၁၃၀.၇၂ ကျပ်
ဝယ်ဈေး - ၁၂၇.၃၉ ကျပ်

-မလေးရှားရင်းဂစ်
ရောင်းဈေး - ၁၀၀၇ ကျပ်
ဝယ်ဈေး - ၉၈၀ ကျပ်

-တရုတ်ယွမ်
ရောင်းဈေး - ၆၂၁ ကျပ်
ဝယ်ဈေး - ၆၀၅ ကျပ်

-ဂျပန်ယန်း
ရောင်းဈေး - ၂၉.၂၈ ကျပ်
ဝယ်ဈေး - ၂၈.၅၃ ကျပ်

-အိန္ဒိယရူပီး
ရောင်းဈေး - ၅၃.၆၀ ကျပ်
ဝယ်ဈေး - ၅၂.၂၃ ကျပ်

-ကိုရီးယားဝမ်
ရောင်းဈေး - ၃.၂၃ ကျပ်
ဝယ်ဈေး - ၃.၁၅ ကျပ်

-စတာလင်ပေါင်
ရောင်းဈေး - ၅၆၄၀ ကျပ်
ဝယ်ဈေး - ၅၄၉၅ ကျပ်

-ဩစတြေးလျဒေါ်လာ
ရောင်းဈေး - ၂၉၂၅ ကျပ်
ဝယ်ဈေး - ၂၈၅၀ ကျပ်

-ကနေဒါဒေါ်လာ
ရောင်းဈေး - ၃၂၂၀ ကျပ်
ဝယ်ဈေး - ၃၁၃၅ ကျပ်

-ဟောင်ကောင်ဒေါ်လာ
ရောင်းဈေး - ၅၇၈ ကျပ်
ဝယ်ဈေး - ၅၆၃ ကျပ်

-ယူအေအီး
ရောင်းဈေး - ၁၂၂၅ ကျပ်
ဝယ်ဈေး - ၁၁၉၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM News Agency

#သတင်းဟင်းလေးအိုးကြီး

ပြည်သူများ၏ မျှော်မှန်းသက်တမ်းမြင့်မားစေရန်နှင့် လူတိုင်းလက်လှမ်းမီသည့်ကျန်းမာရေးစောင့်ရှောက်မှု စနစ်ရရှိရန် တိုင်းရင်းဆေးသမားတော်များနှင့် လုပ်ငန်းရှင်များက တိုင်းရင်းဆေးကဏ္ဍကနေ တစ်တပ်တစ်အား ပါဝင်ဆောင်ရွက်ကြရန် နစကဥက္ကဋ္ဌ တိုက်တွန်း

နိုဝင်ဘာ ၂၃

ပြည်သူများ၏ မျှော်မှန်းသက်တမ်း ပိုမိုမြင့်မားလာစေရန်နှင့် လူတိုင်းလက်လှမ်းမီ အရည်အသွေးပြည့်သည့် ကျန်းမာရေး စောင့်ရှောက်မှုစနစ်ကို အားလုံးရရှိစေရန်အတွက် တိုင်းရင်းဆေးသမားတော်များနှင့် လုပ်ငန်းရှင်များက တိုင်းရင်းဆေးကဏ္ဍကနေ တစ်တပ်တစ်အား ပါဝင်ဆောင်ရွက်ကြရန် နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က တိုက်တွန်း မှာကြားလိုက်သည်။

ဗိုလ်ချုပ်မှူးကြီး မင်းအောင်လှိုင် (၂၃)ကြိမ်မြောက် မြန်မာ့တိုင်းရင်းဆေးသမားတော်များညီလာခံနှင့် မြန်မာ့တိုင်းရင်းဆေးပညာ နှီးနှောဖလှယ်ပွဲ ဖွင့်ပွဲအခမ်းအနား မိန့်ခွန်းတွင် ပြောဆိုခဲ့သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ယနေ့အချိန်အခါသည် နိုင်ငံတော်၏ အမျိုးသားရေး ဦးတည်ချက် တစ်ရပ်ဖြစ်သည့် တစ်မျိုးသားလုံး သက်ရှည်ကျန်းမာကြံ့ခိုင်ရေးအတွက် ပြည်သူအားလုံး အကျုံးဝင်မည့် ကျန်းမာရေးကဏ္ဍကို မြှင့်တင်ဆောင်ရွက်လျက် ရှိကြောင်း၊ ယင်းသို့ ဆောင်ရွက်ရာတွင် လူသားအရင်းအမြစ် သည် အဓိကကျပြီး ကျန်းမာရေးနှင့် ပတ်သက်သည့် အသိပညာရှင်၊ အတတ်ပညာရှင်၊ ကျွမ်းကျင်ပညာ ရှင်များနှင့်သာ နိုင်ငံတော်ကို ပိုမိုဖွံ့ဖြိုးတိုးတက်အောင် တည်ဆောက်နိုင်မည်ဖြစ်ကြောင်း၊ မြန်မာ့တိုင်းရင်းဆေး ပညာ ခေတ်မီဖွံ့ဖြိုးတိုးတက်ပြီး အဆင့်အတန်းမြင့်မားလာစေရေးအတွက် ပုံဖော်စွမ်းဆောင်နိုင်မည့် တိုင်းရင်းဆေးတက္ကသိုလ်ကြီးကို ဖွင့်လှစ်ပြီး မြန်မာ့တိုင်းရင်း ဆေးပညာရှင် လူ့စွမ်းအား အရင်းအမြစ်များကို နှစ်စဉ်မွေးထုတ်ပေးလျက်ရှိကြောင်း ပြောသည်။

“ပြည်သူများရဲ့ မျှော်မှန်းသက်တမ်း ပိုမိုမြင့်မားလာစေဖို့နဲ့ လူတိုင်းလက်လှမ်းမီ အရည်အသွေးပြည့်ဝတဲ့ ကျန်းမာရေး စောင့်ရှောက်မှုစနစ်ကို အားလုံးရရှိစေဖို့အတွက် တိုင်းရင်းဆေးသမားတော်များနဲ့ လုပ်ငန်းရှင်များ ကလည်း တိုင်းရင်းဆေးကဏ္ဍကနေ တစ်တပ်တစ်အား ပါဝင်ဆောင်ရွက်ကြဖို့ တိုက်တွန်းမှာကြားလိုပါတယ်။ ဒီနှစ် နှီးနှောဖလှယ်ပွဲမှာ စာတမ်း(၁၃)စောင်ကို ဖတ်ကြားသွားမယ်လို့ သိရပါတယ်။ အဲဒီစာတမ်းတွေမှာ တိုင်းရင်းသားတွေရဲ့ ရိုးရာဆေးဝါးတွေ၊ ကုထုံးတွေ ပါဝင်နေတာတွေ့ရှိရတဲ့အတွက် တိုင်းရင်းသားတွေ လက်တွေ့အသုံးပြုနေတဲ့ အဆိုပါဆေးဝါးတွေနဲ့ ကုထုံးတွေကို အများပြည်သူ ကျယ်ကျယ်ပြန့်ပြန့် သိရှိ အသုံးပြုနိုင်ရေး ဝိုင်းဝန်းကူညီ ဆောင်ရွက်ပေးကြဖို့ အလေးထား မှာကြားလိုပါတယ်။” ဟု နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောသည်။

ဆက်လက်ပြီး အရည်အသွေးစစ်မှန်ကောင်းမွန်ပြီး ဘေးဥပဒ်အန္တရာယ်ကင်းရှင်းသည့် အကျိုးအာနိသင်ရှိသည့် တိုင်းရင်းဆေးဝါးများကို အများပြည်သူသုံးစွဲနိုင်ရန်အတွက် တိုင်းရင်းဆေးသုတေသနလုပ်ငန်းများကို ပိုမိုဆောင်ရွက်ပြီး မှတ်တမ်းတင်ထားရှိရန်လိုကြောင်း၊ ဆောင်ရွက်ပြီး သုတေသနများကို မှတ်ကျောက် တင်နိုင်ရန်အတွက် နှစ်စဉ် စာတမ်းဖတ်ပွဲများကို ကျင်းပပေးခဲ့ရာမှာ ယခုနှစ်မှာ (၁၃) ကြိမ်မြောက် တိုင်းရင်း ဆေးသုတေသနစာတမ်းဖတ်ပွဲ ကျင်းပနိုင်ခဲ့သည်ကို တွေ့ရကြောင်း၊ ထိုကြောင့် တိုင်းရင်းဆေးသမားတော်များ၊ သုတေသနပညာရှင်များ၊ ဆေးဝါးပညာရှင်များ၊ နှီးနွှယ်ပညာရှင်များနှင့် တိုင်းရင်းဆေးဝါး ထုတ်လုပ်သူများ အားလုံးတို့က မျက်ခြည်မပြတ် ဆန်းစစ်လေ့လာပြီး ကြိုးပမ်းအားထုတ်ကြရမည်ဖြစ်ကြောင်း နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌက ဆက်လက်ပြောသည်။

“ကျွန်တော်တို့နိုင်ငံဟာ နိုင်ငံတကာအဖွဲ့အစည်းများနဲ့ ကဏ္ဍစုံပူးပေါင်းဆောင်ရွက်လျက်ရှိရာမှာ တိုင်းရင်းဆေး ဆိုင်ရာ ကဏ္ဍကိုလည်း ကျယ်ကျယ်ပြန့်ပြန့် ပူးပေါင်းဆောင်ရွက်လျက် ရှိပါတယ်။ တိုင်းရင်းဆေးပညာကို ခေတ်နဲ့အညီ ဖွံ့ဖြိုးတိုးတက်စေဖို့အတွက် နိုင်ငံတကာကို ပညာသင်များစေလွှတ်ပြီး နည်းပညာများ သင်ယူခြင်း၊ မျှဝေခြင်း၊ မိမိနိုင်ငံနဲ့လိုက်လျောညီထွေ ပြန်လည်အသုံးချပြီး ဖွံ့ဖြိုးတိုးတက်အောင် ဆောင်ရွက် တာတွေ လုပ်ကြရမှာ ဖြစ်ပါတယ်။” ဟု နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောသည်။

ထိုအပြင် မြန်မာ့တိုင်းရင်း ဆေးဝါးထုတ်လုပ်ရေးနှင့်ပတ်သက်ပြီး (MSME) လုပ်ငန်းများကို အိမ်တွင်းစက်မှု လုပ်ငန်း အဆင့်သာမဟုတ်ဘဲ ဒေသအဆင့်၊ နိုင်ငံအဆင့်မှသည် ပြည်ပပို့ကုန်အထိ ဖြစ်စေရေးအတွက် တိုင်းရင်းဆေးဝါးများကို အရည်အသွေးမြှင့်တင်ပြီး ကျယ်ကျယ်ပြန့်ပြန့် ထုတ်လုပ်နိုင်ကြမည်ဆိုပါက နိုင်ငံ့ စီးပွားရေးကို အထောက်အပံ့ပေးနိုင်မည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောကြားခဲ့ သည်။

Credit - NV News Agency

#သတင်းဟင်းလေးအိုးကြီး

ဒုတိယအချီမှာအလဲထိုးခံလိုက်ရတဲ့ ထွန်းမင်းအောင်

နိုဝင်ဘာ ၂၃

မနေ့ နိုဝင်ဘာလ ၂၂ ရက်ညမှာကျင်းပခဲ့တဲ့ One Friday Fight 88 ပြိုင်ပွဲမှာပါဝင်ထိုးသတ်တဲ့ မြန်မာဖိုက်တာ ထွန်းမင်းအောင်ကတော့ ဒုတိယအချီအလဲထိုးနဲ့ရှုံးနိမ့်သွားခဲ့ပါတယ်။

ထွန်းမင်းအောင်က မော်ရိုဂိုနိုင်ငံသား အဖ်ဒီလာလီ ဇာဟီဒီ ( Abdelali Zahidi ) နဲ့ ၃မီနစ် ၃ ချီ မွေထိုင်းပွဲ ထိုးသတ်ခဲ့ကြတာ ဖြစ်ပြီးတော့ ဒုတိယအချီပြီးခါနီး စက္ကန့် နှစ်ဆယ်အလိုမှာ ခေါင်းအကန်ခံရလို့ အရှုံးပေးလိုက်ရတာဖြစ်ပါတယ်။

ပထမအချီ စစချင်းမှာ ထွန်းမင်းအောင်ဘက်က လက်သီးထိုးချက်တွေနဲ့ စထွက်လာပြီးတော့ ပြိုင်ဘက်က အောက်ခြေခတ် တွေဆက်တိုက်ပြန်ကန်ပြီးတော့ ထွန်းမင်းအောင်တစ်ခါကျသွားပါတယ်။ အချင်းချင်းအကြိတ် အနယ်ထိုးသတ်ကြရင်း ဝင်ပူးကြတဲ့အချိန်ပြိုင်ဘက်ထံက တံတောင်ရိုက်ချက်တွေပြန်ထွက်ပါတယ်။ ပထမ အချီမှာတော့ သူတင်ကိုယ်တင်နဲ့ပဲ အချီပြည့်သွားခဲ့တယ်။


ပြိုင်ဘက်က ဒုတိယအချီမှာလည်း အကွာအဝေးကို ကောင်းကောင်းထိန်ညှိပြီးတော့ ခေါင်တာကစားပါတယ်။ ထွန်းမင်းအောင် က ဆက်တိုက်တိုက်စစ်လိုက်ပြီးကစားခဲ့ကာ အပြိုင်အဆိုင်ထိုးကြိတ်ကြရင်း နဲ့ ဒုတိယအချီ ၂ မီနစ် နဲ့ စက္ကန့် ၄၀ ကျော်မှာ ပြိုင်ဘက်ဆီက မထင်မှတ်ထားတဲ့ အမြင့်ကန်ချက်ထိပြီး ထွန်းမင်းအောင်ကျသွားပြီး ဒိုင်ကပွဲရပ်လိုက်ပါတယ်။

အဖ်ဒီလာလီ ဇာဟီဒီ ( Abdelali Zahidi ) ဟာ မွေထိုင်းလောကမှာကျင်လည်ခဲ့သူဖြစ်ပြီးတော့ နိုင်ငံတကာ မွေထိုင်းအသင်းများအဖွဲ့ချုပ် (International Federation of Muaythai Associations) ကကျင်းပတဲ့ U23 မွေထိုင်းပြိုင်ပွဲမှာ ဗိုလ်စွဲခဲ့သလို တခြားမှတ်တမ်းကောင်းတွေကိုလည်း ပိုင်ဆိုင်ထားသူပါ။ ထွန်းမင်းအောင်နဲ့ ပွဲဟာ သူ့အတွက် One Friday Fight ပွဲဦးထွက်ဖြစ်ပြီးတော့ အလဲထိုးချက်နဲ့အတူ ဘောနပ်စ် ဘတ် ၃ သိန်းခွဲကို လည်းဆွတ်ခူးသွားခဲ့ပါတယ်။

မြန်မာဖိုက်တာ ထွန်းမင်းအောင်ကတော့ One Friday Fight မှာ ၃ ပွဲမြောက်ထိုးသတ်ထားတာဖြစ်ပြီးတော့ ၁ ပွဲ နိုင်၊ ၂ ပွဲရှုံးရလဒ်ထွက်ပေါ်ခဲ့တာဖြစ်ပါတယ်။

#centralnewsnaypyitaw

အိန္ဒိယတပ်မတော်အတွက် V-BAT ဒရုန်းတွေ အမေရိကန် Shield AI ကုမ္ပဏီနဲ့ အိန္ဒိယ JSW Group ပူးပေါင်း ထုတ်လုပ်မည်

နိုဝင်ဘာ ၂၃

အိန္ဒိယတပ်မတော်အတွက် ပြည်တွင်းမှာ V-BAT ဒရုန်းတွေထုတ်လုပ်ဖို့ အမေရိကန် Shield AI ကုမ္ပဏီဟာ အိန္ဒိယ JSW Group ရဲ့လက်ခွဲကုမ္ပဏီဖြစ်တဲ့ JSW Defence ပူးပေါင်းဆောင်ရွက်ဖို့ လက်မှတ်ရေးထိုးလိုက်ပါ တယ်။ သဘောတူစာချုပ်အရ JSW Group ဟာ နှစ်နှစ်အတွင်း ဒေါ်လာသန်း ၉၀ ရင်းနှီးမြှုပ်နံှသွားမှာဖြစ်ပြီး ပထမနှစ် မှာ ဒေါ်လာ ၆၅ သန်း သုံးစွဲသွားမှာဖြစ်ပါတယ်။

ရင်းနှီးမြှုပ်နှံမှုတွေကို ဒရုန်းထုတ်လုပ်ရေးစက်ရုံတစ်ရုံတည်ဆောက်ရေး၊ တပ်ဖွဲ့ဝင်တွေအရည်အသွေးမြှင့်တင် ရေးသင်တန်းနဲ့ ဒေသတွင်း ထောက်ပံ့ရေးကွင်းဆက်ကွန်ရက်တစ်ခု တည်ဆောက်ရေးတို့မှာ အသုံးပြုသွားမှာ ဖြစ်ပါတယ်။

ဒရုန်းထုတ်လုပ်ရေးစက်ရုံက V-BAT ဒရုန်းတွေ ထုတ်လုပ်ပေးရုံတင်မကဘဲ ဒရုန်းထိန်းသိမ်းပျံသန်းရေးအော် ပရေတာသင်တန်း၊ လုံခြုံစိတ်ချရတဲ့ပြုပြင်ထိန်းသိမ်းမှုသင်တန်းနဲ့ ပြန်လည်ပြုပြင်ရေးလုပ်ငန်းတွေကိုပါ ထောက် ပံ့ပေးသွားမှာဖြစ်ပါတယ်။

ဒီစီမံချက်ဟာ ပြည်တွင်းစစ်လက်နက်ပစ္စည်းထုတ်လုပ်မှုနဲ့ နည်းပညာဖွံ့ဖြိုးတိုးတက်မှုတို့ကို မြှင့်တင်ဖို့အတွက် အိန္ဒိယနိုင်ငံရဲ့ ကြိုးပမ်းမှုတွေထဲက အစိတ်အပိုင်းတစ်ရပ်ဖြစ်ကြောင်း JSW Group ရဲ့ ဦးဆောင်ညွှန်ကြားရေး မှူး ပတ်သ်ဂျင်ဒယ်လ်က ပြောပါတယ်။

“JSW Group နဲ့ ပူးပေါင်းဆောင်ရွက်တဲ့နည်းလမ်းကတစ်ဆင့် အင်ဒို-အမေရိကန် မဟာဗျူဟာမြောက်မိတ်ဖက် ဆက်ဆံရေးကို မြှင့်တင်ခွင့်ရတဲ့အတွက် ကုမ္ပဏီအနေနဲ့ ဝမ်းမြောက်ဂုဏ်ယူပြီး စိတ်အားတက်ကြွနေပါတယ်။ ကျွန်တော်တို့ကုမ္ပဏီက ကမ္ဘာတစ်ဝန်း နောက်ဆုံးပေါ်နည်းပညာတွေကို အသုံးပြုသွားမှာဖြစ်သလို အိန္ဒိယနိုင်ငံ ရဲ့ ကျယ်ပြန့်လှတဲ့ အင်ဂျင်နီယာပညာရပ်နဲ့ ထုတ်လုပ်ရေး ပင်ကိုယ်စွမ်းရည်တွေကို ထိန်းချုပ်အသုံးပြုသွားမှာ ဖြစ်ပါတယ်။” လို့ Shield AI ကုမ္ပဏီ ဥက္ကဋ္ဌ ဘရန်ဒန်ဆန်က ပြောပါတယ်။

V-BAT ဒရုန်းဟာ ထောင်လိုက် အတက်/အဆင်း ပြုလုပ်နိုင်စွမ်းရှိတဲ့ အတောင်ပံတပ် ဒရုန်းဖြစ်ပြီး တာဝေး စစ် သတင်းစုဆောင်းခြင်း၊ စောင့်ကြည့်ထောက်လှမ်းခြင်းနဲ့ ကင်းထောက်ခြင်း (ISR) တာဝန်တွေထမ်းဆောင်နိုင်ဖို့ အတွက် အထူးဒီဇိုင်းရေးဆွဲ ထုတ်လုပ်ထားတာဖြစ်ပါတယ်။

V-BAT ဒရုန်းကို အထူးတပ်ဖွဲ့တွေ၊ ရှေ့တန်းစစ်မြေပြင်က ခြေလျင်တပ်ဖွဲ့တွေ၊ တင့်/သံချပ်ကာတပ်ဖွဲ့တွေနဲ့ အ မြောက်တပ်ဖွဲ့တွေအထိ စစ်ဆင်ရေးမှာ ကျယ်ကျယ်ပြန့်ပြန့် အသုံးပြုနိုင်ပါတယ်။

နောက်ဘက်မှာ ပြွန်သွင်းထားတဲ့ ပန်ကာတစ်လုံးတပ်ဆင်ထားတဲ့အတွက် V-BAT ဒရုန်းဟာ တစ်ဆက်တည်း ၁၂ နာရီအထိ ပျံသန်းနိုင်ပါတယ်။ ကျစ်လျစ်သိပ်သည်းစွာ ဒီဇိုင်းရေးဆွဲတည်ဆောက်ထားတဲ့အတွက် V-BAT ဒရုန်းကို မိနစ် ၂၀ အတွင်း တပ်ဖွဲ့ ဝင် ၂ ဦးနဲ့ တပ်ဆင်/လွှတ်တင်နိုင်ပါတယ်။

Ref: Shield AI to Produce V-BAT Drones in India

Credit - NV Media

#သတင်းဟင်းလေးအိုးကြီး