ယူရီးယားမြေသြဇာဈေးနှုန်းကို သတ်မှတ်ထားသည့် ဈေးနှုန်းအတိုင်းမရောင်းချပါက အရေးယူသွားမည်လို့ MFSPEA မှသိရ
နေပြည်တော်၊ ဒီဇင်ဘာ ၄
ယူရီးယားမြေသြဇာဈေးနူန်းကို သတ်မှတ်ထားသည့် ဈေးနူန်းအတိုင်းမရောင်းချပါက အရေးယူသွားမည်လို့ မြန်မာနိုင်ငံမြေသြဇာ၊ မျိုးစေ့နှင့် စိုက်ပျိုးရေးဆေးလုပ်ငန်းရှင်များအသင်းထံမှ သိရသည်။
စက်တင်ဘာလ ၁ ရက်နေ့တွင် ယူရီးယားမြေသြဇာ ဝယ်ယူဖြန့်ဖြူးရောင်းချရောင်း ဦးဆောင်ကော်မတီ၏ ကြီးကြပ်မှုဖြင့် မြန်မာနိုင်ငံမြေသြဇာ၊ မျိုးစေ့နှင့် စိုက်ပျိုးရေးဆေးလုပ်ငန်းရှင်အသင်းမှ တောင်သူများ အဓိကသုံးစွဲလျက်ရှိသည့် မြေသြဇာများကို ရောင်းချပေးရန် ရန်ကုန်အထိုင်လက္ကားဈေးနူန်းအဖြစ် သတ်မှတ် ထုတ်ပြန်ထားသည်။
“ကုမ္ပဏီတွေက သတ်မှတ်ထားတဲ့ဈေးနဲ့မရောင်းရင် အသင်းဝင်ကုမ္ပဏီတွေကို သွင်းကုန်လိုင်စင်လျောက်ထား တဲ့ကိစ္စနဲ့ပတ်သက်ပြီး ရပ်ဆိုင်းတာ၊ တစ်လ ဆိုင်းငံ့တာ၊ နှစ်လဆိုင်းငံ့တာလို့ အရေးယူမှာ။ ရပ်ဆိုင်းတယ်ဆို တာက သွင်းကုန်လိုင်စင်ရပ်ဆိုင်းထောက်ခံမူကို ရပ်ဆိုင်းမှာ” လို့ MFSPEA မှတာဝန်ရှိသူတစ်ဦးမှ ဖြေကြား သည်။
အဆိုပါသတ်မှတ်ထားသည့် ရည်ညွှန်းဈေးနူန်းအနေဖြင့် ယူရီးယားမြေသြဇာ(အလုံးကြီး) ၅၀ ကီလို တစ်အိတ်ကို ၉၇,၀၀၀ကျပ်၊ Rock Phosphate အခြေခံ ၁၅ ပတ်လည် ၅၀ ကီလိုတစ်အိတ်ကို ၁၂၄,၀၀၀ ကျပ်၊ DI Ammonium Phosphate အခြေခံ ၁၅ ပတ်လည် ၅၀ ကီလိုတစ်အိတ် ၁၃၇,၀၀၀ ကျပ်နှင့် Complex ၁၅ ပတ်လည်မြေသြဇာကို ရည်ညွှန်းဈေးနူန်းမှာ သတ်မှတ်ထားခြင်းမရှိကြောင်း ထုတ်ပြန်ထားသည်။
ထိုရည်ညွှန်းဈေးနူန်းများမှာ ဒေသအလိုက် သယ်ယူစရိတ်တွေအပေါ်မူတည်ပြီး ဈေးနှုန်းကွားခြား နိုင်သော် လည်း ရည်ညွှန်းဈေးနှုန်းတွေအတိုင်း မရောင်းချပါက တိုင်ကြားနိုင်ကြောင်း မြန်မာနိုင်ငံမြေသြဇာ၊ မျိုးစေ့နှင့် စိုက်ပျိုးရေးဆေးလုပ်ငန်းရှင်များအသင်း(MFSPEA) မှ အသိပေးထားသည်။
#သတင်းဟင်းလေးအိုးကြီး
