မန္တလေး – ပြင်ဦးလွင်ကားလမ်းတွင် သကာရည်တင်ဘောက်ဆာအရှိန်လွန်၍လဲပြီး ယာဉ်နှစ်စီးကို တိုက်မိ
ဒီဇင်ဘာ ၃၀
မန္တလေး – ပြင်ဦးလွင် ကားလမ်း (18) မိုင်အနီးတွင် သကာရည်တင်ဘောက်ဆာအရှိန်လွန်၍ လဲပြီး ယာဉ်နှစ်စီးကိုလည်း တိုက်မိခဲ့ကြောင်း သိရသည်။
ယနေ့ဒီဇင်ဘာလ ၃၀ ရက် နံနက် ၁၀ နာရီ ၃၀ အချိန်တွင် သကာရည်တင်ဘောက်ဆာ တိမ်းမှောက်မှုကြောင့် လမ်းခေတ္တ ပိတ်ထားရပြီး ထိုယာဉ်များကို မြန်မာနိုင်ငံ လူမှုကယ်ဆယ်ရေးအဖွဲ့(မန္တလေးတိုင်းရုံး) မှ စေတနာမွန်အသင်း(အုန်းချော)၊ မီးသတ်တပ်ဖွဲ့တို့နှင့်အတူ ပူးပေါင်းဆောင်ရွက်ပေးခဲ့ကြောင်း သိရသည်။
“ဖြစ်တဲ့နေရာရောက်သွားတော့ ကားထဲမှာ ရှိတဲ့ဒဏ်ရာရတဲ့သူတွေထုတ်ပြီးလို့ ဆေးရုံပို့လိုက်ပြီ။ အဲ့ဒါမို့လို့ ဘယ်နှစ်ယောက်ဒဏ်ရာရလည်းဆိုတာ မသိဘူး။ သကာရည်ဘောက်ဆာလဲပြီးတော့ ယာဉ်နှစ်စီးကို တိုက်မိတာ” လို့ မြေပြင်အား သွားရောက်ကူညီသည့် မီးသတ်တပ်ဖွဲ့ဝင်တစ်ဦး ထံမှသိရသည်။
ဒဏ်ရာရရှိသူများကို မန္တလေးပြည်သူ့ဆေးရုံသို့ ဒေသခံလူမှုကူညီရေးအသင်းမှ ပို့ဆောင်လိုက်ကြောင်း သိရသည်။
Photo – Credit
#centralnewsnaypyitaw
