ဘယ်သူ့ကိုမှ ပြောင်းလဲဖို့ မကြိုးစားပါနဲ့ ။
သူတို့အပေါ် ကိုယ့်ရဲ့ ဆက်ဆံပုံကိုသာ ပြောင်းလိုက်ပါ
ကိုယ့်အပေါ် နားမလည်တဲ့သူကိုနားလည်ပေးဖို့ ပြောပြလို့ မရဘူး ။
သူ့အပေါ်မှာ ထားတဲ့ ကိုယ့်ရဲ့မျှော်လင့်ချက်တွေကိုသာ ရုတ်သိမ်းရမှာ ။
ကိုယ့်အပေါ် အေးစက်လာတဲ့သူကို
နွေးထွေးပေးဖို့ တောင်းဆိုလို့ မရဘူး ။
ပူလောင်နေရတဲ့ ကိုယ့်ရဲ့ တွယ်တာမှုတွေကိုပဲ လျှော့ချရမှာ ။
ကိုယ့်အပေါ် ပြောင်းလဲလာတဲ့သူကိုမပြောင်းလဲဖို့ တားဆီးလို့ မရဘူး ။
သူ မရှိလည်း နေနိုင်အောင်သာကိုယ့်ကိုယ်ကိုယ် တည်ဆောက်ရမှာ ။
အရာရာ ကိုယ်မျှော်လင့်သလို
တထပ်တည်း ဖြစ်လာဖို့ဆိုတာခဲယဉ်းပါတယ် ။
ဘဝမှာ ကြိုမတွေးထားတဲ့အရာတွေဖြစ်လာတတ်တာမို့လေ ။
ပေးလိုက်ပါ။ကိုယ်ပေးတိုင်း ပြန်ရဖို့
မျှော်လင့်ချက် မထားပါနဲ့ ။
ချစ်လိုက်ပါ ။ကိုယ်ချစ်တိုင်း ပြန်အချစ်ခံရဖို့
မျှော်လင့်ချက် မထားပါနဲ့ ။
စိတ်ကောင်း ထားလိုက်ပါ ။ကိုယ်ကောင်းတိုင်း ကိုယ့်အပေါ်
ပြန်ကောင်းဖို့ဆိုတာ မျှော်လင့်ချက် မထားပါနဲ့ ။
ဘယ်အရာကိုမဆို
မျှော်လင့်ချက်သာ မထားခဲ့ရင်
ဘဝကြီးက သိပ်ကို လွတ်လပ်ပေါ့ပါးနေမှာ။
မျှော်လင့်ချက်သာ မထားခဲ့ရင်နာကျဉ်မှုဆိုတာ မရှိနိုင်ဘူး ။မျှော်လင့်ချက်သာ မထားခဲ့ရင်အင်မတန် အပူအပင်ကင်းနေရမှာ ။
အများကြီး မျှော်လင့်မိလေ မျှော်လင့်သလောက် ဖြစ်မလာတဲ့အခါ
အများကြီး ပူလောင်ခံစားရလေပဲ ။
မျှော်လင့်ချက် နည်းနိုင်သမျှ နည်းအောင်
နေထိုင်ခြင်းက ဘဝကို ငြိမ်းချမ်းစေမယ့်
နည်းလမ်းတွေထဲက တစ်ခုပါဘဲ။👸🤍🌻
